Búgin, iaǵni 27 qyrkúiek kúni Katar astanasy Dohada jeńil atletikadan álem chempionatynyń alaýy jaǵylady, dep habarlaidy "Ult aqparat".
QR Ulttyq olimpiadalyq komiteti habarlaǵandai, álemdik dodaǵa 205 memleketten jalpy esebi 3500 atlet qatysady.
«Sport padishasy» sanalatyn jeńil atletikadan álem birinshiliginde 47 júlde jiyntyǵy sarapqa salynady. Sondai-aq, júldeli oryndar úshin iri kólemde aqshalai syilyqtar bekitilgen.
Halyqaralyq jeńil atletikalyq federatsiialar qaýymdastyǵy (IAAF) álem chempionatynyń júlde qory 7,53 million dollar ekenin málimdedi. Jekelei synda jeńiske jetken sportshylar 60 myń dollarǵa ielik etedi. Ekinshi jáne úshinshi oryn alǵan atletter tiisinshe 30 jáne 20 myń dollar syiǵa tartylmaq. Al álemdik rekordty jańartqandarǵa 100 myń dollardan bólinedi.
