بٷگٸن, ياعني 27 قىركٷيەك كٷنٸ كاتار استاناسى دوحادا جەڭٸل اتلەتيكادان ەلەم چەمپيوناتىنىڭ الاۋى جاعىلادى, دەپ حابارلايدى "ۇلت اقپارات".
قر ۇلتتىق وليمپيادالىق كوميتەتٸ حابارلاعانداي, ەلەمدٸك دوداعا 205 مەملەكەتتەن جالپى ەسەبٸ 3500 اتلەت قاتىسادى.
«سپورت پاديشاسى» سانالاتىن جەڭٸل اتلەتيكادان ەلەم بٸرٸنشٸلٸگٸندە 47 جٷلدە جيىنتىعى ساراپقا سالىنادى. سونداي-اق, جٷلدەلٸ ورىندار ٷشٸن ٸرٸ كٶلەمدە اقشالاي سىيلىقتار بەكٸتٸلگەن.
حالىقارالىق جەڭٸل اتلەتيكالىق فەدەراتسييالار قاۋىمداستىعى (IAAF) ەلەم چەمپيوناتىنىڭ جٷلدە قورى 7,53 ميلليون دوللار ەكەنٸن مەلٸمدەدٸ. جەكەلەي سىندا جەڭٸسكە جەتكەن سپورتشىلار 60 مىڭ دوللارعا يەلٸك ەتەدٸ. ەكٸنشٸ جەنە ٷشٸنشٸ ورىن العان اتلەتتەر تيٸسٸنشە 30 جەنە 20 مىڭ دوللار سىيعا تارتىلماق. ال ەلەمدٸك رەكوردتى جاڭارتقاندارعا 100 مىڭ دوللاردان بٶلٸنەدٸ.
