الماتىدا بٸرنەشە كەسٸپكەر كٶتەرمە ساۋدامەن اينالىساتىن جەتكٸزۋشٸگە ميلليونداپ اقشا اۋدارىپ, تاپسىرىستارىن الا الماي قالعان. جەبٸرلەنۋشٸلەردٸڭ الدىن الا ەسەبٸنشە, جالپى شىعىن 80 ميلليون تەڭگەدەن اسادى, دەپ حابارلايدى ult.kz.
كتك ارناسىنىڭ مەلٸمەتٸنشە, كەسٸپكەر ديليارا مەندەەۆا شٸلدە ايىندا جانارماي قۇيۋعا ارنالعان كانيسترلەرگە تاپسىرىس بەرٸپ, جەتكٸزۋشٸگە 8 ميلليون تەڭگەدەن استام اقشا اۋدارعان. الايدا تاۋار ەلٸ كٷنگە دەيٸن جەتكٸزٸلمەگەن.
تاعى بٸر كەسٸپكەر ينتەرنەتتەگٸ حابارلاندىرۋ ارقىلى 4,5 ميلليون تەڭگەگە تاۋار الۋعا كەلٸسكەن. بٸراق تاپسىرىستىڭ جارتىسى عانا كەلگەن. قالعانىن جەتكٸزۋ تۋرالى ۋەدە ورىندالماعان.
«سوت وتىرىسى ٶتٸپ, بٸز جەبٸرلەنۋشٸ دەپ تانىلدىق. سودان بەرٸ بٸر جىل جەتٸ اي ٶتتٸ. بٸراق اقشامىزدى دا قايتارىپ العان جوقپىز, تاۋاردى دا المادىق», – دەدٸ كەسٸپكەر ۆلاديمير پوزنياكوۆ.
جەبٸرلەنۋشٸلەر باستاپقىدا ەرتٷرلٸ كومپانييامەن جۇمىس ٸستەگەنٸمەن, كەيٸن ولاردىڭ بٸر ادامنىڭ اتىنا تٸركەلگەنٸن انىقتاعان. زاڭگەر اجار ايماعامبەتوۆانىڭ ايتۋىنشا, وسى كومپانييالارعا قاتىستى شاعىمدار بويىنشا شىعىن كٶلەمٸ 80 ميلليون تەڭگەدەن اسادى.
كەسٸپكەرلەر اقشالارىن قايتارۋدى تالاپ ەتٸپ, كومپانييا كەڭسەسٸنە بارعانىمەن, عيمارات جابىق بولعان. ال كومپانييا باسشىسى مەسەلە بويىنشا تەرگەۋ جٷرٸپ جاتقانىن مەلٸمدەدٸ.
الماتى قالالىق پوليتسييا دەپارتامەنتٸنٸڭ حابارلاۋىنشا, سەگٸز ادام ارىز تٷسٸرٸپ, جەبٸرلەنۋشٸ دەپ تانىلعان. قازٸر تەرگەۋ امالدارى جٷرگٸزٸلٸپ جاتىر.
جەبٸرلەنۋشٸلەر جەتكٸزۋشٸلەردەن زارداپ شەككەن باسقا دا كەسٸپكەرلەردٸ ٸزدەستٸرٸپ جاتىر. ولاردىڭ پٸكٸرٸنشە, ناقتى شىعىن كٶلەمٸ بۇدان دا كٶپ بولۋى مٷمكٸن.
