BUU Adam quqyqtary jónindegi keńesi otyrysynyń aiasynda Syrtqy ister ministri Muhtar Tileýberdi birqatar ekijaqty kezdesý ótkizdi, dep habarlaidy "Ult aqparat" QR SIM baspasóz qyzmetine silteme jasap.
Dúniejúzilik saýda uiymynyń (DSU) Bas direktory Roberto Azevedomen kezdesý barysynda taraptar maýsym aiynda Nur-Sultandaǵy DSU-nyń 12-shi ministrlik konferentsiiasynyń daiyndyq barysyn talqylady. Turaqty jáne boljamdy halyqaralyq saýda júiesin qurý jáne DSU reformalaý kontekstinde forýmnyń joǵary ózektiligi, sondai-aq Ministrlik forýmy qarsańynda ótkiziletin DSU máseleleri boiynsha parlamenttik konferentsiianyń mańyzdylyǵy atap ótildi.
Jenevadaǵy BUU bólimshesiniń Bas direktory Tatiana Valovaiamen ótken kezdesýde suhbattasýshylar Qazaqstannyń Jenevadaǵy BUU júiesiniń uiymdarymen yntymaqtastyǵyn jandandyrý perspektivalary týraly pikir almasty.
M. Tileýberdi ekijaqty jáne kópjaqty yntymaqtastyq máselelerin talqylaý úshin Shveitsariia men Finliandiia syrtqy saiasi vedomstvolarynyń basshylary Ignatsio Kassis jáne Pekka Haavistomen kezdesti.
