بۇۇ ادام قۇقىقتارى جٶنٸندەگٸ كەڭەسٸ وتىرىسىنىڭ اياسىندا سىرتقى ٸستەر مينيسترٸ مۇحتار تٸلەۋبەردٸ بٸرقاتار ەكٸجاقتى كەزدەسۋ ٶتكٸزدٸ, دەپ حابارلايدى "ۇلت اقپارات" قر سٸم باسپاسٶز قىزمەتٸنە سٸلتەمە جاساپ.
دٷنيەجٷزٸلٸك ساۋدا ۇيىمىنىڭ (دسۇ) باس ديرەكتورى روبەرتو ازەۆەدومەن كەزدەسۋ بارىسىندا تاراپتار ماۋسىم ايىندا نۇر-سۇلتانداعى دسۇ-نىڭ 12-شٸ مينيسترلٸك كونفەرەنتسيياسىنىڭ دايىندىق بارىسىن تالقىلادى. تۇراقتى جەنە بولجامدى حالىقارالىق ساۋدا جٷيەسٸن قۇرۋ جەنە دسۇ رەفورمالاۋ كونتەكستٸندە فورۋمنىڭ جوعارى ٶزەكتٸلٸگٸ, سونداي-اق مينيسترلٸك فورۋمى قارساڭىندا ٶتكٸزٸلەتٸن دسۇ مەسەلەلەرٸ بويىنشا پارلامەنتتٸك كونفەرەنتسييانىڭ ماڭىزدىلىعى اتاپ ٶتٸلدٸ.
جەنەۆاداعى بۇۇ بٶلٸمشەسٸنٸڭ باس ديرەكتورى تاتيانا ۆالوۆايامەن ٶتكەن كەزدەسۋدە سۇحباتتاسۋشىلار قازاقستاننىڭ جەنەۆاداعى بۇۇ جٷيەسٸنٸڭ ۇيىمدارىمەن ىنتىماقتاستىعىن جانداندىرۋ پەرسپەكتيۆالارى تۋرالى پٸكٸر الماستى.
م. تٸلەۋبەردٸ ەكٸجاقتى جەنە كٶپجاقتى ىنتىماقتاستىق مەسەلەلەرٸن تالقىلاۋ ٷشٸن شۆەيتسارييا مەن فينلياندييا سىرتقى ساياسي ۆەدومستۆولارىنىڭ باسشىلارى يگناتسيو كاسسيس جەنە پەككا حااۆيستومەن كەزدەستٸ.
