Búgin Sybailas jemqorlyqqa qarsy is-qimyl agenttigi jáne Mádeniet jáne sport ministrliginiń «Parasat joly» jobasy tanystyryldy, dep habarlaidy QazAqparat.
Ortalyqtardy ashýdyń maqsaty – ǵylymi, shyǵarmashylyq intelligentsiia jáne din ókilderimen birlesip qoǵamda parasattylyq ideologiiasyn ilgeriletý.
«Parasat joly» ortalyqtary ǵylymi jáne shyǵarmashylyq ziialy qaýym, memlekettik jáne qoǵamdyq uiymdar ókilderiniń, jastardyń kezdesýleri úshin dialog alańyna ainalady. Sondai-aq, osy alańda tikelei efirler ótkiziletin bolady.
«Abai da qoǵamdy synady, qoǵamnyń kemshilikterine qarsy shyqty. Osy jaǵdai bizdiń búgingi áńgimemizge tikelei qatysy bar. Psihoanalitikterdiń aitýynsha, kez kelgen adam óziniń aqyl-dárejesi, bilimi, parasatyna qarai ózin ishtei qoǵamǵa úilestiredi. Ózimizdi qoǵamǵa sáikestendirýdiń negizgi sebebi – qorqynysh. Bireý zańdy buzyp qoiýdan, endi biri uiatty bolyp qalýdan qorqady. Ár adamnyń ishki erkindigi bar. Sol ishki erkindigimiz qoǵamda bolyp jatqan jaǵdaimen qanshalyqty sáikes? Adamnyń qoǵammen úilesimi sanaly, parasatty, mádenietti túrde júzege asýy kerek. Eýropanyń bir qadam alda kele jatýynyń basty sebebi – olarda parasattylyq pen sanalylyq alda tur. Bizdiń qoǵamda parasattylyq máselesi qalyptasqan joq. Qoǵam men áleýmette qashan jarasymdylyq bolady – sonda ǵana tártip, tazalyq bolady», - deidi filologiia ǵylymdarynyń doktory, professor Shákir Ybyraev.
Aqyn, Qazaqstannyń eńbek sińirgen qairatkeri Aqushtap Baqtygereeva bul jobanyń kitaphanadan bastalýy zańdylyq dep sanaitynyn aitty.
«Parasat jolynyń» kitaphanalardan bastalýy zańdy dep bilemiz, sebebi parasattyń bári kitapta. Biliktegi el tizginin ustaidy degen azamattarymyz jemqorlyqqa jol berip alǵany jasyryn emes. Biz keshigip qaldyq, halyq bárin kórip-bilip otyr. Endi halyq bolyp kúrespesek bolmaidy. Sybailas jemqorlyqqa qarsy is-qimyl qyzmeti ashylǵaly az jumys jasalǵan joq. Biraz jumys yńǵaiǵa kelip qaldy. Kúnde «Anaý ustaldy», «Mynaý ustaldy» degendi estimiz. Bul – elimiz, ultymyz úshin uiat. Bul qatelikter neden ketti? Kitaphanaǵa baryp kitap oqymaǵannan ketti. Mine, jastarǵa úlgi bolatyn jumys bastalǵan eken», - deidi aqyn Aqushtap Baqtygereeva.
Elordada «Parasat joly» ortalyǵy 8 qańtarda Ulttyq akademiialyq kitaphana bazasynda ashylǵan bolatyn. Elordalyq tájiribeni óńirlerge taratý maqsatynda búgin Qazaqstannyń barlyq oblystyq, qalalyq jáne aýdandyq kitaphanalarynda, Almaty jáne Shymkent qalalarynda óńirlik ortalyqtar iske qosyldy.
