بٷگٸن سىبايلاس جەمقورلىققا قارسى ٸس-قيمىل اگەنتتٸگٸ جەنە مەدەنيەت جەنە سپورت مينيسترلٸگٸنٸڭ «پاراسات جولى» جوباسى تانىستىرىلدى, دەپ حابارلايدى قازاقپارات.
ورتالىقتاردى اشۋدىڭ ماقساتى – عىلىمي, شىعارماشىلىق ينتەلليگەنتسييا جەنە دٸن ٶكٸلدەرٸمەن بٸرلەسٸپ قوعامدا پاراساتتىلىق يدەولوگيياسىن ٸلگەرٸلەتۋ.
«پاراسات جولى» ورتالىقتارى عىلىمي جەنە شىعارماشىلىق زييالى قاۋىم, مەملەكەتتٸك جەنە قوعامدىق ۇيىمدار ٶكٸلدەرٸنٸڭ, جاستاردىڭ كەزدەسۋلەرٸ ٷشٸن ديالوگ الاڭىنا اينالادى. سونداي-اق, وسى الاڭدا تٸكەلەي ەفيرلەر ٶتكٸزٸلەتٸن بولادى.
«اباي دا قوعامدى سىنادى, قوعامنىڭ كەمشٸلٸكتەرٸنە قارسى شىقتى. وسى جاعداي بٸزدٸڭ بٷگٸنگٸ ەڭگٸمەمٸزگە تٸكەلەي قاتىسى بار. پسيحواناليتيكتەردٸڭ ايتۋىنشا, كەز كەلگەن ادام ٶزٸنٸڭ اقىل-دەرەجەسٸ, بٸلٸمٸ, پاراساتىنا قاراي ٶزٸن ٸشتەي قوعامعا ٷيلەستٸرەدٸ. ٶزٸمٸزدٸ قوعامعا سەيكەستەندٸرۋدٸڭ نەگٸزگٸ سەبەبٸ – قورقىنىش. بٸرەۋ زاڭدى بۇزىپ قويۋدان, ەندٸ بٸرٸ ۇياتتى بولىپ قالۋدان قورقادى. ەر ادامنىڭ ٸشكٸ ەركٸندٸگٸ بار. سول ٸشكٸ ەركٸندٸگٸمٸز قوعامدا بولىپ جاتقان جاعدايمەن قانشالىقتى سەيكەس? ادامنىڭ قوعاممەن ٷيلەسٸمٸ سانالى, پاراساتتى, مەدەنيەتتٸ تٷردە جٷزەگە اسۋى كەرەك. ەۋروپانىڭ بٸر قادام الدا كەلە جاتۋىنىڭ باستى سەبەبٸ – ولاردا پاراساتتىلىق پەن سانالىلىق الدا تۇر. بٸزدٸڭ قوعامدا پاراساتتىلىق مەسەلەسٸ قالىپتاسقان جوق. قوعام مەن ەلەۋمەتتە قاشان جاراسىمدىلىق بولادى – سوندا عانا تەرتٸپ, تازالىق بولادى», - دەيدٸ فيلولوگييا عىلىمدارىنىڭ دوكتورى, پروفەسسور شەكٸر ىبىراەۆ.
اقىن, قازاقستاننىڭ ەڭبەك سٸڭٸرگەن قايراتكەرٸ اقۇشتاپ باقتىگەرەەۆا بۇل جوبانىڭ كٸتاپحانادان باستالۋى زاڭدىلىق دەپ سانايتىنىن ايتتى.
«پاراسات جولىنىڭ» كٸتاپحانالاردان باستالۋى زاڭدى دەپ بٸلەمٸز, سەبەبٸ پاراساتتىڭ بەرٸ كٸتاپتا. بيلٸكتەگٸ ەل تٸزگٸنٸن ۇستايدى دەگەن ازاماتتارىمىز جەمقورلىققا جول بەرٸپ العانى جاسىرىن ەمەس. بٸز كەشٸگٸپ قالدىق, حالىق بەرٸن كٶرٸپ-بٸلٸپ وتىر. ەندٸ حالىق بولىپ كٷرەسپەسەك بولمايدى. سىبايلاس جەمقورلىققا قارسى ٸس-قيمىل قىزمەتٸ اشىلعالى از جۇمىس جاسالعان جوق. بٸراز جۇمىس ىڭعايعا كەلٸپ قالدى. كٷندە «اناۋ ۇستالدى», «مىناۋ ۇستالدى» دەگەندٸ ەستيمٸز. بۇل – ەلٸمٸز, ۇلتىمىز ٷشٸن ۇيات. بۇل قاتەلٸكتەر نەدەن كەتتٸ? كٸتاپحاناعا بارىپ كٸتاپ وقىماعاننان كەتتٸ. مٸنە, جاستارعا ٷلگٸ بولاتىن جۇمىس باستالعان ەكەن», - دەيدٸ اقىن اقۇشتاپ باقتىگەرەەۆا.
ەلوردادا «پاراسات جولى» ورتالىعى 8 قاڭتاردا ۇلتتىق اكادەمييالىق كٸتاپحانا بازاسىندا اشىلعان بولاتىن. ەلوردالىق تەجٸريبەنٸ ٶڭٸرلەرگە تاراتۋ ماقساتىندا بٷگٸن قازاقستاننىڭ بارلىق وبلىستىق, قالالىق جەنە اۋداندىق كٸتاپحانالارىندا, الماتى جەنە شىمكەنت قالالارىندا ٶڭٸرلٸك ورتالىقتار ٸسكە قوسىلدى.
