Qazaqstan byltyr jemqorlyq jasaǵan myńnan astam adam sottalǵan. Onyń ishinde 269 adam bos bostandyǵynan aiyryldy, dep habarlaidy QazAqparat.
«2020 jyly 1000-nan astam adam sottaldy. 334 adam para alǵany, 256 adam para bergeni, 146 adam alaiaqtyq, 98 adam urlyq, 120 adam laýazymdyq ókilettikterin teris paidalanǵany, 26 adam paraqorlyqqa deldal bolǵany úshin jáne taǵy basqa jaǵdailarmen sottaldy. 269 adam bas bostandyǵynan aiyrylyp, 142 adamnyń bas bostandyǵyn shekteldi. Eselik aiyppuldarǵa 575 adam ilikti. Qalǵandary shartty merzimge nemese úkimniń oryndalýyn keiinge qaldyrý sheshimderi boiynsha sottaldy», - dedi QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov onlain baspasóz máslihatynda.
Onyń aitýynash qosymsha jazalaý sharalary 1 268 adamǵa (bir adamǵa qatysty birneshe qosymsha jazalaý sharalary qoldanylýy múmkin) qoldanylǵan. 963 adam belgili bir laýazymdy atqarý nemese qyzmetpen ainalysý quqyǵynan aiyrylǵan. 279 adam arnaýly, áskeri nemese qurmet ataǵynan, sheninen, diplomatiialyq dárejesinen, biliktilik dárejesinen jáne memlekettik nagradalarynan aiyrylǵan. 26 adam múlki tárkilenip sottalǵan.
