قازاقستان بىلتىر جەمقورلىق جاساعان مىڭنان استام ادام سوتتالعان. ونىڭ ٸشٸندە 269 ادام بوس بوستاندىعىنان ايىرىلدى, دەپ حابارلايدى قازاقپارات.
«2020 جىلى 1000-نان استام ادام سوتتالدى. 334 ادام پارا العانى, 256 ادام پارا بەرگەنٸ, 146 ادام الاياقتىق, 98 ادام ۇرلىق, 120 ادام لاۋازىمدىق ٶكٸلەتتٸكتەرٸن تەرٸس پايدالانعانى, 26 ادام پاراقورلىققا دەلدال بولعانى ٷشٸن جەنە تاعى باسقا جاعدايلارمەن سوتتالدى. 269 ادام باس بوستاندىعىنان ايىرىلىپ, 142 ادامنىڭ باس بوستاندىعىن شەكتەلدٸ. ەسەلٸك ايىپپۇلدارعا 575 ادام ٸلٸكتٸ. قالعاندارى شارتتى مەرزٸمگە نەمەسە ٷكٸمنٸڭ ورىندالۋىن كەيٸنگە قالدىرۋ شەشٸمدەرٸ بويىنشا سوتتالدى», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ دانييار بەكايداروۆ ونلاين باسپاسٶز مەسليحاتىندا.
ونىڭ ايتۋىناش قوسىمشا جازالاۋ شارالارى 1 268 ادامعا (بٸر ادامعا قاتىستى بٸرنەشە قوسىمشا جازالاۋ شارالارى قولدانىلۋى مٷمكٸن) قولدانىلعان. 963 ادام بەلگٸلٸ بٸر لاۋازىمدى اتقارۋ نەمەسە قىزمەتپەن اينالىسۋ قۇقىعىنان ايىرىلعان. 279 ادام ارناۋلى, ەسكەري نەمەسە قۇرمەت اتاعىنان, شەنٸنەن, ديپلوماتييالىق دەرەجەسٸنەن, بٸلٸكتٸلٸك دەرەجەسٸنەن جەنە مەملەكەتتٸك ناگرادالارىنان ايىرىلعان. 26 ادام مٷلكٸ تەركٸلەنٸپ سوتتالعان.
