Qazaqstanda jemqorlyqqa barǵan quqyq qorǵaý organdary qyzmetkerleri men sýdialarǵa taǵaiyndalatyn jaza kúsheitildi, dep habarlaidy "Ult aqparat".
«Quqyq qorǵaý organdarynyń qyzmetkerleri men sýdialar jemqorlyqqa barǵan jaǵdaida olarǵa taǵaiyndalatyn jaza kúsheitildi. Ózderińiz biletindei, quqyq qorǵaý organdarynyń qyzmetkerleri men sýdialar erekshe quzyretke ie. Sol sebepti olardyń jemqorlyqqa barýy – qoǵamdyq qaýiptiliktiń artqanyn kórsetedi. Osyǵan bailanysty olardyń jemqorlyq úshin qatań jazaǵa tartylýy da zańdy. Endigi kezekte zań boiynsha birqatar jemqorlyq qylmys úshin olarǵa salynatyn sanktsiialar men quqyqtyq saldar edáýir aýyrlady», - dedi QR Sybailas jemqorlyqqa qarsy is-qimyl agenttigi tóraǵasynyń orynbasary Oljas Bektenov OKQ-da ótken baspasóz máslihatynda.
Oljas Bektenov Qylmystyq kodekstiń 366-babyn mysalǵa keltirdi. Aitýynsha quqyqtyq alańda bul bap kóp qoldanylady.
«Qazirgi redaktsiiaǵa sáikes, taǵaiyndalǵan sanktsiialardyń mólsheri laýazymǵa qaramaidy. Sanktsiialardyń gradatsiiasy tek paranyń kólemine qarai esepteledi. Az kólemde, ortasha deńgeide, iri kólemdegi para túrleri bar. Endigi kezekte 366-bapqa jańa quram, iaǵni 1-bólik 1-tarmaǵyna sáikes, jemqorlyqqa barǵan quqyq qorǵaý organdarynyń qyzmetkerleri men sýdialarǵa 5 jyldan 6 jylǵa deiin bas bostandyǵyn aiyr jazasyn taǵaiyndalady. Bir qarasańyz, sanktsiia sonshalyqty kúsheie qoimaǵan sekildi. Biraq munyń quqyqtyq saldary aýyr. Iaǵni eger quqyq qorǵaý organdarynyń qyzmetkerleri men sýdialar 50 AEK mólsherine deiin para alsa, bul qylmys aýyr qylmys sanatyna jatqyzylady. Buryn bul qylmys aýyrlyǵy ortasha qylmys retinde sanalyp kelgen edi», - dedi ol.
Osylaisha jemqorlyqqa barǵan quqyq qorǵaý organdarynyń qyzmetkerleri men sýdialar bul qylmysty jasasa, merziminen buryn bosap shyǵý quqyǵynan aiyrylady. Ekinshiden olar qaýipsizdigi tómen túzeý mekemesinde jazasyn óteý múmkindigine ie bolmaidy.
