قازاقستاندا جەمقورلىققا بارعان قۇقىق قورعاۋ ورگاندارى قىزمەتكەرلەرٸ مەن سۋديالارعا تاعايىندالاتىن جازا كٷشەيتٸلدٸ, دەپ حابارلايدى "ۇلت اقپارات".
«قۇقىق قورعاۋ ورگاندارىنىڭ قىزمەتكەرلەرٸ مەن سۋديالار جەمقورلىققا بارعان جاعدايدا ولارعا تاعايىندالاتىن جازا كٷشەيتٸلدٸ. ٶزدەرٸڭٸز بٸلەتٸندەي, قۇقىق قورعاۋ ورگاندارىنىڭ قىزمەتكەرلەرٸ مەن سۋديالار ەرەكشە قۇزىرەتكە يە. سول سەبەپتٸ ولاردىڭ جەمقورلىققا بارۋى – قوعامدىق قاۋٸپتٸلٸكتٸڭ ارتقانىن كٶرسەتەدٸ. وسىعان بايلانىستى ولاردىڭ جەمقورلىق ٷشٸن قاتاڭ جازاعا تارتىلۋى دا زاڭدى. ەندٸگٸ كەزەكتە زاڭ بويىنشا بٸرقاتار جەمقورلىق قىلمىس ٷشٸن ولارعا سالىناتىن سانكتسييالار مەن قۇقىقتىق سالدار ەدەۋٸر اۋىرلادى», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ وكق-دا ٶتكەن باسپاسٶز مەسليحاتىندا.
ولجاس بەكتەنوۆ قىلمىستىق كودەكستٸڭ 366-بابىن مىسالعا كەلتٸردٸ. ايتۋىنشا قۇقىقتىق الاڭدا بۇل باپ كٶپ قولدانىلادى.
«قازٸرگٸ رەداكتسيياعا سەيكەس, تاعايىندالعان سانكتسييالاردىڭ مٶلشەرٸ لاۋازىمعا قارامايدى. سانكتسييالاردىڭ گراداتسيياسى تەك پارانىڭ كٶلەمٸنە قاراي ەسەپتەلەدٸ. از كٶلەمدە, ورتاشا دەڭگەيدە, ٸرٸ كٶلەمدەگٸ پارا تٷرلەرٸ بار. ەندٸگٸ كەزەكتە 366-باپقا جاڭا قۇرام, ياعني 1-بٶلٸك 1-تارماعىنا سەيكەس, جەمقورلىققا بارعان قۇقىق قورعاۋ ورگاندارىنىڭ قىزمەتكەرلەرٸ مەن سۋديالارعا 5 جىلدان 6 جىلعا دەيٸن باس بوستاندىعىن ايىر جازاسىن تاعايىندالادى. بٸر قاراساڭىز, سانكتسييا سونشالىقتى كٷشەيە قويماعان سەكٸلدٸ. بٸراق مۇنىڭ قۇقىقتىق سالدارى اۋىر. ياعني ەگەر قۇقىق قورعاۋ ورگاندارىنىڭ قىزمەتكەرلەرٸ مەن سۋديالار 50 اەك مٶلشەرٸنە دەيٸن پارا السا, بۇل قىلمىس اۋىر قىلمىس ساناتىنا جاتقىزىلادى. بۇرىن بۇل قىلمىس اۋىرلىعى ورتاشا قىلمىس رەتٸندە سانالىپ كەلگەن ەدٸ», - دەدٸ ول.
وسىلايشا جەمقورلىققا بارعان قۇقىق قورعاۋ ورگاندارىنىڭ قىزمەتكەرلەرٸ مەن سۋديالار بۇل قىلمىستى جاساسا, مەرزٸمٸنەن بۇرىن بوساپ شىعۋ قۇقىعىنان ايىرىلادى. ەكٸنشٸدەن ولار قاۋٸپسٸزدٸگٸ تٶمەن تٷزەۋ مەكەمەسٸندە جازاسىن ٶتەۋ مٷمكٸندٸگٸنە يە بولمايدى.
