Qazaqstanda paraqorlyq jaǵdaiyn habarlaýǵa bailanysty kózqaras qandai?
Paraqorlyqty habarlaýǵa shaqyrý – báleqorlyqty týyndatpai ma? Bul suraqqa Sybailas jemqorlyqqa qarsy is-qimyl agenttiginiń seriktestik departamentiniń Rasýl Medetov jaýap berdi, dep habarlaidy QazAqparat.
«Qazaq «aýrýyn jasyrǵan óledi» deidi. Sondyqtan árine belgili bir jerde paraqorlyq faktisi tirkeletin bolsa ol jaily habarlaý – bizdiń mindetimiz, azamat retinde paryzymyz. Biraq bul rette bir máselege nazar aýdartqym keledi. Ózim de óńirlerde jumys istedim. Azamattardyń keibiri anaý jerde mynadai, mynaý jerde anadai paraqorlyq bolyp jatyr dep negizsiz ári dáleldenbegen aqparat berip jatady. «Qymbat kóligi bar, demek para alady» eken degen osyndai alypqashpa sózder shyndyqqa janaspaýy da múmkin. Sondyqtan kelip túsken aqparat mindetti túrde shyn bolýy kerek», - dedi Rasýl Medetov agenttiktiń Facebook paraqshasyndaǵy suhbatta sóilegen sózinde.
Onyń aitýynsha, Sybailas jemqorlyqqa qarsy is-qimyl agenttiginiń qyzmetkerleri belgili bir adamnyń dálelsiz sózine bola sol adamdy ustai almaidy.
«Sebebi kez kelgen adamnyń Konstitýtsiiamen bekitilgen quqyǵy bar. Zańdy túrde bári dáleldenýi kerek», - dedi ol.
