قازاقستاندا پاراقورلىق جاعدايىن حابارلاۋعا بايلانىستى كٶزقاراس قانداي?
پاراقورلىقتى حابارلاۋعا شاقىرۋ – بەلەقورلىقتى تۋىنداتپاي ما? بۇل سۇراققا سىبايلاس جەمقورلىققا قارسى ٸس-قيمىل اگەنتتٸگٸنٸڭ سەرٸكتەستٸك دەپارتامەنتٸنٸڭ راسۋل مەدەتوۆ جاۋاپ بەردٸ, دەپ حابارلايدى قازاقپارات.
«قازاق «اۋرۋىن جاسىرعان ٶلەدٸ» دەيدٸ. سوندىقتان ەرينە بەلگٸلٸ بٸر جەردە پاراقورلىق فاكتٸسٸ تٸركەلەتٸن بولسا ول جايلى حابارلاۋ – بٸزدٸڭ مٸندەتٸمٸز, ازامات رەتٸندە پارىزىمىز. بٸراق بۇل رەتتە بٸر مەسەلەگە نازار اۋدارتقىم كەلەدٸ. ٶزٸم دە ٶڭٸرلەردە جۇمىس ٸستەدٸم. ازاماتتاردىڭ كەيبٸرٸ اناۋ جەردە مىناداي, مىناۋ جەردە اناداي پاراقورلىق بولىپ جاتىر دەپ نەگٸزسٸز ەرٸ دەلەلدەنبەگەن اقپارات بەرٸپ جاتادى. «قىمبات كٶلٸگٸ بار, دەمەك پارا الادى» ەكەن دەگەن وسىنداي الىپقاشپا سٶزدەر شىندىققا جاناسپاۋى دا مٷمكٸن. سوندىقتان كەلٸپ تٷسكەن اقپارات مٸندەتتٸ تٷردە شىن بولۋى كەرەك», - دەدٸ راسۋل مەدەتوۆ اگەنتتٸكتٸڭ Facebook پاراقشاسىنداعى سۇحباتتا سٶيلەگەن سٶزٸندە.
ونىڭ ايتۋىنشا, سىبايلاس جەمقورلىققا قارسى ٸس-قيمىل اگەنتتٸگٸنٸڭ قىزمەتكەرلەرٸ بەلگٸلٸ بٸر ادامنىڭ دەلەلسٸز سٶزٸنە بولا سول ادامدى ۇستاي المايدى.
«سەبەبٸ كەز كەلگەن ادامنىڭ كونستيتۋتسييامەن بەكٸتٸلگەن قۇقىعى بار. زاڭدى تٷردە بەرٸ دەلەلدەنۋٸ كەرەك», - دەدٸ ول.
