Qazaqstanda jemqorlardyń túzeý mekemesinde jazasyn óteý sharttaryna ózgerister engizildi, dep habarlaidy "Ult aqparat".
«Sybailas jemqorlyq úshin sottalǵandardy jazany óteý úshin birden qaýipsizdigi tómen qylmystyq atqarý júiesi mekemesine jiberý múmkindigi alynyp tastaldy. Sybailas jemqorlar úshin mundai artyqshylyq (jalpy qylmystar úshin sottalǵandarǵa qaýipsizdigi tómen mekemelerge aýysý úshin jabyq úlgidegi túzeý mekemelerinde keminde eki jyl ótkizý qajet bolatyn) belgili bir syn týdyrǵan edi. Sondyqtan Prezident sybailas jemqorlar úshin jazany óteý sharttaryn ózgertý týraly sheshim qabyldady», - dedi Oljas Bektenov OKQ-da ótken baspasóz máslihatynda.
Onyń aitýynsha, endi paraqorlyqtyń aýyr quramy úshin sottalǵandar (aitarlyqtai jáne iri mólsherde para alý jáne berý, quqyq qorǵaý organy qyzmetkeriniń nemese sýdianyń para alýy, paraqorlyqqa birneshe ret deldal bolý) jazasyn óteý úshin qaýipsizdigi ortasha mekemelerge, al asa iri mólsherde para alǵan nemese bergen adamdar maksimaldy qaýipsizdiktegi mekemelerge jiberiletin bolady.
«Osylaisha, mundai sanattaǵy adamdar úshin jazany jeńil óteýge quqyqtyq tosqaýyl qoiyldy. Qaýipsizdigi tómen mekemelerge aýysý úshin endi olar zalaldy óteýmen qatar, taǵaiyndalǵan jazanyń bir bóligin túzeý mekemelerinde úlgili minez-qulyqpen óteýi tiis. Bunyń qylmystyq jazalaý maqsattaryna tolyq sáikes keletinine, súringenderdi túzetý jolynda óziniń oń tárbielik áserin beretinine tolyqtai senemiz», - dedi ol.
