قازاقستاندا جەمقورلاردىڭ تٷزەۋ مەكەمەسٸندە جازاسىن ٶتەۋ شارتتارىنا ٶزگەرٸستەر ەنگٸزٸلدٸ, دەپ حابارلايدى "ۇلت اقپارات".
«سىبايلاس جەمقورلىق ٷشٸن سوتتالعانداردى جازانى ٶتەۋ ٷشٸن بٸردەن قاۋٸپسٸزدٸگٸ تٶمەن قىلمىستىق اتقارۋ جٷيەسٸ مەكەمەسٸنە جٸبەرۋ مٷمكٸندٸگٸ الىنىپ تاستالدى. سىبايلاس جەمقورلار ٷشٸن مۇنداي ارتىقشىلىق (جالپى قىلمىستار ٷشٸن سوتتالعاندارعا قاۋٸپسٸزدٸگٸ تٶمەن مەكەمەلەرگە اۋىسۋ ٷشٸن جابىق ٷلگٸدەگٸ تٷزەۋ مەكەمەلەرٸندە كەمٸندە ەكٸ جىل ٶتكٸزۋ قاجەت بولاتىن) بەلگٸلٸ بٸر سىن تۋدىرعان ەدٸ. سوندىقتان پرەزيدەنت سىبايلاس جەمقورلار ٷشٸن جازانى ٶتەۋ شارتتارىن ٶزگەرتۋ تۋرالى شەشٸم قابىلدادى», - دەدٸ ولجاس بەكتەنوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, ەندٸ پاراقورلىقتىڭ اۋىر قۇرامى ٷشٸن سوتتالعاندار (ايتارلىقتاي جەنە ٸرٸ مٶلشەردە پارا الۋ جەنە بەرۋ, قۇقىق قورعاۋ ورگانى قىزمەتكەرٸنٸڭ نەمەسە سۋديانىڭ پارا الۋى, پاراقورلىققا بٸرنەشە رەت دەلدال بولۋ) جازاسىن ٶتەۋ ٷشٸن قاۋٸپسٸزدٸگٸ ورتاشا مەكەمەلەرگە, ال اسا ٸرٸ مٶلشەردە پارا العان نەمەسە بەرگەن ادامدار ماكسيمالدى قاۋٸپسٸزدٸكتەگٸ مەكەمەلەرگە جٸبەرٸلەتٸن بولادى.
«وسىلايشا, مۇنداي ساناتتاعى ادامدار ٷشٸن جازانى جەڭٸل ٶتەۋگە قۇقىقتىق توسقاۋىل قويىلدى. قاۋٸپسٸزدٸگٸ تٶمەن مەكەمەلەرگە اۋىسۋ ٷشٸن ەندٸ ولار زالالدى ٶتەۋمەن قاتار, تاعايىندالعان جازانىڭ بٸر بٶلٸگٸن تٷزەۋ مەكەمەلەرٸندە ٷلگٸلٸ مٸنەز-قۇلىقپەن ٶتەۋٸ تيٸس. بۇنىڭ قىلمىستىق جازالاۋ ماقساتتارىنا تولىق سەيكەس كەلەتٸنٸنە, سٷرٸنگەندەردٸ تٷزەتۋ جولىندا ٶزٸنٸڭ وڭ تەربيەلٸك ەسەرٸن بەرەتٸنٸنە تولىقتاي سەنەمٸز», - دەدٸ ول.
