Elordadaǵy Ulttyq akademiialyq kitaphanada «Jeltoqsan. 1986. Dekabr. Dokýmentalnaia hronika» atty kitaptyń tanystyrylymy ótti, dep habarlaidy QazAqparat.
Jeltoqsan oqiǵasyna biyl 35 jyl tolyp otyr. Osyǵan orai, Táýelsizdiktiń 30 jyldyǵy aiasynda QR Parlamenti Májilisiniń depýtaty, «Qazaq tili» qoǵamynyń prezidenti Berik Ábdiǵaliulynyń bastamasymen arhiv qujattaryna negizdelgen derekti jylnama jaryq kórdi. Kitaptyń tusaýkeserine Májilis depýtattary, tarihshylar men qoǵam qairetkerleri qatysty.
«Bizdiń býyn Táýelsizdik alǵan kezde 20 jasta edik. Iaǵni 1986 jyly Jeltoqsan bolyp jatqanda biz 15-tegi bala boldyq. Solardyń arqasynda jigerlenip, rýhtanyp óstik. Sondyqtan Jeltoqsan qaharmandary biz úshin árdaiym batyr. Árine, taǵdyry ár túrli boldy. Ózderi de sezedi qurban bolǵanyn. Qazir maqtan tutyp júrgen azattyǵymyz da, sol azattyqpen birge kelgen jetistikterimiz de solardyń arqasynda ornady. Biz olarǵa jalpyulttyq laiyqty saiasi baǵasyn bere almai jatyrmyz. Aramyzda júrgen tiri batyrlar ǵoi bular. Qarapaiym stýdent qyz-jigitter jastyq jigerdiń, ulttyq namystyń qandai bolý kerektigin bárimizge kórsetip ketti. Sondyqtan Táýelsizdik toilarynda eń birinshi qurmet solarǵa kórsetilýi kerek. Ekinshiden, bul taqyryptyń ózi áli zerttelgen joq. Kitap shyǵarǵandaǵy maqsatymyz osyny ǵalymdar zerttese eken degen niet edi. Kitaptyń ishinde qanshama tizim bar. Solardyń báriniń taǵdyryn anyqtasa tarih degenińiz sol», - dedi bastama avtory Berik Ábdiǵaliuly.
Qundy jinaqtyń baspa shyǵyndaryna «Altyn qyran» qoǵamdyq qory demeýshilik etken. 1000 danamen shyqqan jinaq Jeltoqsan taqyrybyn zerttep júrgen ǵalymdar men kitaphanalarǵa taratylmaq. Qordyń atqarýshy direktory Maqsutbek Aitmaǵanbet qajettilik týyndap jatsa, jinaqty qaita basyp shyǵarýǵa daiyn ekenderin aitady.
«Altyn qyran» qoǵamdyq qory 15 jyldam astam ýaqyt boiy qazaq qoǵamyna kerek degen salalarda jumys istep kele jatqanyn bilesizder. Onyń ishinde qazaq tili, qazaq ádebieti, Qazaqstan tarihy baǵytynda ǵalymdardy qoldap, bastamalaryna demeýshilik jasap júremiz. Sony eskerse kerek, Berik Ábidǵaliuly bizge shyǵyp usynys jasady. Qordyń qamqorlyq keńesiniń tóraǵasy Islambek Saljanov birdep qup kórip, kitaptyń shyǵýyna atsalystyq. Ázirge 1000 dana bolyp shyǵyp jatyr. El talap áketip, jetpei jatsa, taǵy da kómektesýge daiynbyz», - dedi qordyń ókili.
Jeltoqsan bozdaqtaryna qatysty derektiń bári sol kezde orys tilinde júrgizilgendikten, kitap ta orys tilinde jazylǵan.
Jiynǵa qatysýshylar bul eńbektiń Jeltoqsan taqyrybyn zertteýge bet burǵan mamandarǵa taptyrmas derekkóz bolatynyn aitty. Kitaptyń ishindegi QR-kod arqyly osy taqyryptaǵy «Allajar» filmin de kórýge bolady.
