Foto: Pinterest. com
Ult.kz-te jihankez jýrnalist Dinara Bolattyń ózge paiymy.
Búginde ár ekinshi qazaq áleýmettik jelide belsendi. Bir jaqsysy áleýmettik jeli arqasynda adamdar bar jańalyqty óte tez, ýaqyly bilip otyrady. Jańalyq taqyrybyna sai qoǵamdyq pikir reaktsiiasy da bilikke tez jetip júr. Paidaly aqparat, bilim kózin izdegen jastarǵa da úlken múmkindik ashyldy. Ózi izdegen, umtylǵan baǵytyna qarai jan-jaqty, tolassyz bilim, ilim keńistigi ashyldy. Áleýmettik jeliniń arqasynda túrli óner, kásip ielerine óz ónimderin jarnamalaý, satý alańy da ońai tabyldy. Jalǵyz adam kózqarasyna, qyzyǵýshylyqtaryna sáikes dosyn, ortasyn tapty.
Jaqsymen birge jamannyń da qatar júretini bar. Sol sekildi áleýmettik jelini belsendi paidalaný nátijesinde halyqta úlken qajý, sharshaý baiqala bastady. Óz ómirin basqamen salystyryp kúizelý, jarnamalyq manipýliatsiialardyń kesirinen ózin kem, álsiz, tómen seziný, belgili bir pikiri úshin basy daýǵa qalý bar. Áleýmettik jelidegi jaman jańalyqtar men minshil orta jasaityn negativti fonnyń áserinen jai qoldanýshynyń ózin qaraptan-qarap sharshańqy sezinýi qalypty kúige ainaldy. Bizdiń áleýmettik jelimizde de belgili bir máseleni talqylaý belsendiligi joǵary. Sóz kóp...
Ulttyq kod jáne áleýmettik shyndyqtyń kórinisi
Birinshiden, áýelden aitys arqyly erkin pikir bildirip, bi-sheshender arqyly daý sheship, sózge toqtap ádildik ornatqan halyqpyz. Sol sebepti búginde áleýmettik jelidegi belsendiligimiz ulttyq mádeni kodtyń jalǵasy, kórinisi dep qarastyrýǵa bolatyn shyǵar.
Ekinshiden, álemdik statistikaǵa mán bersek, áleýmettik-ekonomikalyq jaǵdaiy tómen elderde ǵalamtordaǵy belsendilik joǵary bolady eken. Máselen Filippiny, Indoneziia, Úndistan, Braziliia elderi álemjelide óte belsendi memleketter.
Eldegi jemqorlyq, kedeiliktiń nátijesi ‒ kúizelis, agressiia. Onyń saldary ‒ ýytty pikirler. Bilik tarapynan azamattyq daýys erkindigin shekteý, ádiletsiz sot sheshimi ‒ halyqqa tusaý. Tusaýlanǵan halyq erkin sóz, erkin áreket jáne emotsionaldyq bosańsý múmkindigin taǵy áleýmettik jeli alańynan kóredi. Sol sebepti jaǵdaiy tómen elde qyzý pikirtalas pen tolassyz narazylyq týyndaýy múmkin.
Paiym
Halqymyzdyń áleýmettik jelidegi belsendiligi óte joǵary. Eldegi kóp másele áleýmettik jelidegi shý, daý arqyly rezonans týdyryp, qoǵamdyq qysym arqyly sheshilýiniń ózi ‒ biraz nárseden habar beredi. Alaida, "júieli syn bar, júiesiz min bar" demekshi, kóptiń synyna da syni kózqaras qajet. Bir jaqty pikirdiń qurbany emessiz be? Sony ajyratý mańyzdy. Áleýmettik jelini sanaly tutyný ‒ kóppen birge emotsiia, manipýliatsiia jeteginde ketý emes, haostyń ishinde ózimizdiń jeke pikir, ustanym, sezimimizge adal bolý arqyly kórinis tabady.
Dinara Bolat
.jpg)
