جەلٸدەگٸ شۋ مەن شىندىق: حالىقتىڭ ٷنٸ قالاي ەستٸلەدٸ?

فوتو: Pinterest. com

Ult.kz-تە جيھانكەز جۋرناليست دينارا بولاتتىڭ ٶزگە پايىمى.

بٷگٸندە ەر ەكٸنشٸ قازاق ەلەۋمەتتٸك جەلٸدە بەلسەندٸ. بٸر جاقسىسى ەلەۋمەتتٸك جەلٸ ارقاسىندا ادامدار بار جاڭالىقتى ٶتە تەز, ۋاقىلى بٸلٸپ وتىرادى. جاڭالىق تاقىرىبىنا ساي قوعامدىق پٸكٸر رەاكتسيياسى دا بيلٸككە تەز جەتٸپ جٷر. پايدالى اقپارات, بٸلٸم كٶزٸن ٸزدەگەن جاستارعا دا ٷلكەن مٷمكٸندٸك اشىلدى. ٶزٸ ٸزدەگەن, ۇمتىلعان باعىتىنا قاراي جان-جاقتى, تولاسسىز بٸلٸم, ٸلٸم كەڭٸستٸگٸ اشىلدى. ەلەۋمەتتٸك جەلٸنٸڭ ارقاسىندا تٷرلٸ ٶنەر, كەسٸپ يەلەرٸنە ٶز ٶنٸمدەرٸن جارنامالاۋ, ساتۋ الاڭى دا وڭاي تابىلدى. جالعىز ادام كٶزقاراسىنا, قىزىعۋشىلىقتارىنا سەيكەس دوسىن, ورتاسىن تاپتى.

جاقسىمەن بٸرگە جاماننىڭ دا قاتار جٷرەتٸنٸ بار. سول سەكٸلدٸ ەلەۋمەتتٸك جەلٸنٸ بەلسەندٸ پايدالانۋ نەتيجەسٸندە حالىقتا ٷلكەن قاجۋ, شارشاۋ بايقالا باستادى. ٶز ٶمٸرٸن باسقامەن سالىستىرىپ كٷيزەلۋ, جارنامالىق مانيپۋلياتسييالاردىڭ كەسٸرٸنەن ٶزٸن كەم, ەلسٸز, تٶمەن سەزٸنۋ, بەلگٸلٸ بٸر پٸكٸرٸ ٷشٸن باسى داۋعا قالۋ بار. ەلەۋمەتتٸك جەلٸدەگٸ جامان جاڭالىقتار مەن مٸنشٸل ورتا جاسايتىن نەگاتيۆتٸ فوننىڭ ەسەرٸنەن جاي قولدانۋشىنىڭ ٶزٸن قاراپتان-قاراپ شارشاڭقى سەزٸنۋٸ قالىپتى كٷيگە اينالدى. بٸزدٸڭ ەلەۋمەتتٸك جەلٸمٸزدە دە بەلگٸلٸ بٸر مەسەلەنٸ تالقىلاۋ بەلسەندٸلٸگٸ جوعارى. سٶز كٶپ...

ۇلتتىق كود جەنە ەلەۋمەتتٸك شىندىقتىڭ كٶرٸنٸسٸ

بٸرٸنشٸدەن, ەۋەلدەن ايتىس ارقىلى ەركٸن پٸكٸر بٸلدٸرٸپ, بي-شەشەندەر ارقىلى داۋ شەشٸپ, سٶزگە توقتاپ ەدٸلدٸك ورناتقان حالىقپىز. سول سەبەپتٸ بٷگٸندە ەلەۋمەتتٸك جەلٸدەگٸ بەلسەندٸلٸگٸمٸز ۇلتتىق مەدەني كودتىڭ جالعاسى, كٶرٸنٸسٸ دەپ قاراستىرۋعا بولاتىن شىعار.

ەكٸنشٸدەن, ەلەمدٸك ستاتيستيكاعا مەن بەرسەك, ەلەۋمەتتٸك-ەكونوميكالىق جاعدايى تٶمەن ەلدەردە عالامتورداعى بەلسەندٸلٸك جوعارى بولادى ەكەن. مەسەلەن فيليپپينى, يندونەزييا, ٷندٸستان, برازيلييا ەلدەرٸ ەلەمجەلٸدە ٶتە بەلسەندٸ مەملەكەتتەر.

ەلدەگٸ جەمقورلىق, كەدەيلٸكتٸڭ نەتيجەسٸ ‒ كٷيزەلٸس, اگرەسسييا. ونىڭ سالدارى ‒ ۋىتتى پٸكٸرلەر. بيلٸك تاراپىنان ازاماتتىق داۋىس ەركٸندٸگٸن شەكتەۋ, ەدٸلەتسٸز سوت شەشٸمٸ ‒ حالىققا تۇساۋ. تۇساۋلانعان حالىق ەركٸن سٶز, ەركٸن ەرەكەت جەنە ەموتسيونالدىق بوساڭسۋ مٷمكٸندٸگٸن تاعى ەلەۋمەتتٸك جەلٸ الاڭىنان كٶرەدٸ. سول سەبەپتٸ جاعدايى تٶمەن ەلدە قىزۋ پٸكٸرتالاس پەن تولاسسىز نارازىلىق تۋىنداۋى مٷمكٸن.

پايىم

حالقىمىزدىڭ ەلەۋمەتتٸك جەلٸدەگٸ بەلسەندٸلٸگٸ ٶتە جوعارى. ەلدەگٸ كٶپ مەسەلە ەلەۋمەتتٸك جەلٸدەگٸ شۋ, داۋ ارقىلى رەزونانس تۋدىرىپ, قوعامدىق قىسىم ارقىلى شەشٸلۋٸنٸڭ ٶزٸ ‒ بٸراز نەرسەدەن حابار بەرەدٸ. الايدا, "جٷيەلٸ سىن بار, جٷيەسٸز مٸن بار" دەمەكشٸ, كٶپتٸڭ سىنىنا دا سىني كٶزقاراس قاجەت. بٸر جاقتى پٸكٸردٸڭ قۇربانى ەمەسسٸز بە? سونى اجىراتۋ ماڭىزدى. ەلەۋمەتتٸك جەلٸنٸ سانالى تۇتىنۋ ‒ كٶپپەن بٸرگە ەموتسييا, مانيپۋلياتسييا جەتەگٸندە كەتۋ ەمەس, حاوستىڭ ٸشٸندە ٶزٸمٸزدٸڭ جەكە پٸكٸر, ۇستانىم, سەزٸمٸمٸزگە ادال بولۋ ارقىلى كٶرٸنٸس تابادى.

دينارا بولات