Jańaózen politsiiasy temirjol ótkelindegi jol apatyna kim kináli ekenin anyqtady. Jol qozǵalysy erejesin buzý sáti daladaǵy beinebaqylaý kamerasyna túsip qalǵan.
Jol apaty 8 sáýirde kúndiz saǵat on bir shamasynda Arai shaǵyn aýdanyndaǵy "Qanaǵat" dámhanasynyń aýdanyndaǵy temirjol ótkelinde bolǵan, dep habarlady Sputnik Qazaqstan agenttigi lada.kz portalyna silteme jasap.
"Mercedes Benz júrgizýshisi temirjol ótkelinen ótetin kezde toqtamai, temirjol jolaǵyna ótip, teplovoz qozǵalysyna kedergi keltirgen. Osynyń saldarynan eki kólik soqtyǵysyp qalǵan", - dep habarlady Mańǵystaý oblysy politsiia departamentiniń baspasóz qyzmeti.
Politsiia habarlaǵandai, jol apatynan zardap shekkender men kóz jumǵandar joq.
"Kólik júrgizýshisine qatysty Qazaqstan Respýblikasynyń ákimshilik quqyqbuzýshylyqtar týraly kodeksiniń 610-babynyń 1-bóligi " Kólik júrgizýshileriniń jol júrisi qaǵidalaryn buzýy kólikti, júkterdi, joldardy, joldaǵy jáne basqa da nysandardyń nemese ózge de múliktiń búlinýine alyp kelýi, materialdyq zalal keltirýi" boiynsha hattama toltyryldy", - dep naqtylady politseiler.
Apatqa kináli bolǵan júrgizýshi 20 AEK , iaǵni 61 260 teńge kóleminde ákimshilik aiyppul tóleýge tiis. Áitpese ol jarty jylǵa júrgizýshi kýáliginen aiyrylýy múmkin.
