Tótenshe jaǵdailar ministrliginiń resmi ókili Talǵat Ýáli bul kadrlarǵa túsinikteme berip, órt sóndirýshi men politsiia qyzmetkeri arasynda tóbeles bolmaǵanyn aitty.
"Iá, ondai jaǵdai boldy. Atyraý oblysynda órt boldy. Bizdiń kúshter órt bolǵan jerge baryp, ony sóndirýge kirisken, biraq aýmaqty sóndirý kezinde turǵyndar, beitanys adamdar júrgen. Órtti basqarǵan bizdiń qyzmetker politseilerden olardy alyp tastaýdy suraǵan, oǵan politsei dóreki jaýap bergen. Sol kezde olardyń arasynda kikiljiń bolǵan. Eshqandai tóbeles bolǵan joq. Keiin olardy ajyratyp tastaǵan. Órt sóndirildi. Zardap shekkender men qaza bolǵandar joq", - dedi Ýáli.
TJM eki taraptyń ýájderi tekseriletinin atap ótti. Tekseris nátijeleri keiinirek jariialanady.
Atyraý oblysynyń politsiia departamenti de qyzmetkerler arasynda túsinispeýshilik bolǵanyn rastady.
"2 shildede politsiia departamenti áleýmettik jelide TJD qyzmetkeri men patrýldik politsiia qyzmetkeri arasyndaǵy janjal túsirilgen videoǵa qatysty qyzmettik tekserý júrgizdi. Qyzmetkerlerdiń beinejetondarynan alynǵan beinejazbalar qaralyp, osy habarlama kezinde barǵan qyzmetkerdiń bári tekserildi. Eki qyzmetkerdiń arasynda túsinispeýshilik týyndaǵan, zardap shekkender joq", - dedi oblystyq PD ókilderi.
Tártip saqshylary qyzmettik tekserý qorytyndysy boiynsha patrýldik politsiia qyzmetkeri tártiptik jaýapqa tartylǵanyn naqtylady. Órt sóndirýshige qatysty sheshimdi Tótenshe jaǵdailar departamenti qabyldaidy.
