تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي بۇل كادرلارعا تٷسٸنٸكتەمە بەرٸپ, ٶرت سٶندٸرۋشٸ مەن پوليتسييا قىزمەتكەرٸ اراسىندا تٶبەلەس بولماعانىن ايتتى.
"يە, ونداي جاعداي بولدى. اتىراۋ وبلىسىندا ٶرت بولدى. بٸزدٸڭ كٷشتەر ٶرت بولعان جەرگە بارىپ, ونى سٶندٸرۋگە كٸرٸسكەن, بٸراق اۋماقتى سٶندٸرۋ كەزٸندە تۇرعىندار, بەيتانىس ادامدار جٷرگەن. ٶرتتٸ باسقارعان بٸزدٸڭ قىزمەتكەر پوليتسەيلەردەن ولاردى الىپ تاستاۋدى سۇراعان, وعان پوليتسەي دٶرەكٸ جاۋاپ بەرگەن. سول كەزدە ولاردىڭ اراسىندا كيكٸلجٸڭ بولعان. ەشقانداي تٶبەلەس بولعان جوق. كەيٸن ولاردى اجىراتىپ تاستاعان. ٶرت سٶندٸرٸلدٸ. زارداپ شەككەندەر مەن قازا بولعاندار جوق", - دەدٸ ۋەلي.
تجم ەكٸ تاراپتىڭ ۋەجدەرٸ تەكسەرٸلەتٸنٸن اتاپ ٶتتٸ. تەكسەرٸس نەتيجەلەرٸ كەيٸنٸرەك جارييالانادى.
اتىراۋ وبلىسىنىڭ پوليتسييا دەپارتامەنتٸ دە قىزمەتكەرلەر اراسىندا تٷسٸنٸسپەۋشٸلٸك بولعانىن راستادى.
"2 شٸلدەدە پوليتسييا دەپارتامەنتٸ ەلەۋمەتتٸك جەلٸدە تجد قىزمەتكەرٸ مەن پاترۋلدٸك پوليتسييا قىزمەتكەرٸ اراسىنداعى جانجال تٷسٸرٸلگەن ۆيدەوعا قاتىستى قىزمەتتٸك تەكسەرۋ جٷرگٸزدٸ. قىزمەتكەرلەردٸڭ بەينەجەتوندارىنان الىنعان بەينەجازبالار قارالىپ, وسى حابارلاما كەزٸندە بارعان قىزمەتكەردٸڭ بەرٸ تەكسەرٸلدٸ. ەكٸ قىزمەتكەردٸڭ اراسىندا تٷسٸنٸسپەۋشٸلٸك تۋىنداعان, زارداپ شەككەندەر جوق", - دەدٸ وبلىستىق پد ٶكٸلدەرٸ.
تەرتٸپ ساقشىلارى قىزمەتتٸك تەكسەرۋ قورىتىندىسى بويىنشا پاترۋلدٸك پوليتسييا قىزمەتكەرٸ تەرتٸپتٸك جاۋاپقا تارتىلعانىن ناقتىلادى. ٶرت سٶندٸرۋشٸگە قاتىستى شەشٸمدٸ تٶتەنشە جاعدايلار دەپارتامەنتٸ قابىلدايدى.
