Almaty turǵyndary qalanyń qoiý tútinin qus ushar biikten videoǵa túsirip aldy, dep habarlaidy "Ult aqparat".
Qoiý tútin videosy jelide tarady.
«Kazgidromet» RMK qalanyń atmsoferalyq aýasy sapasy týraly málimetterimen bólisti.
«2020 jyldyń 29 jeltoqsanynan 2021 jyldyń 4 qańtaryna deiin qalada aýanyń lastaný kórsetkishteriniń shekti normasy 1246 ret asqan. Ásirese Bostandyq aýdanynda, onyń ishinde Orbita shaǵyn aýdanynda (Tuńǵysh prezident parki janynda) aýa óte las», - dedi baspasóz qyzmetinen.
Resmi málimetterge sáikes, bul orta táýliktik lastaný kórsetkishi. Aýa sapasyn baqylaý Almatyda 16 post arqyly júzege asyrylady. Onyń ishinde 11 avtomattandyrylǵan post bar. Qalǵan 5 posta synama qolmen alynady.
Aýa kóbinese RM-2,5; RM-10; dioksid jáne azot oksidimen lastanǵan.
