Tergeý komitetiniń ókili Svetlana Petrenkonyń habarlaýynsha, jastardy óz-ózine qol jumsaýǵa itermeleitin áleýmettik jelidegi toptar jumysyn jabyq túrde júrgizgen. Topqa múshelikke jasóspirimderdi toptyń ákimshisi ózi qabyldap otyrǵan. Onyń balalardyń aldynda bedeli joǵary bolǵan. Topta ólim men depressivti kóńil-kúi nasihattalǵan. Áleýmettik jelidegi topqa múshe kezeń kezeńimen tapsyrma alyp otyrdy.
Politsiia kúdiktini tergeý ústinde. Tergeý komiteti «Vkontakte» jelisiniń basshylyǵyn da aiyptap otyr. Sebebi, olar qaýipti toptyń qyzmetine bailanysty qajetti deńgeide shara qoldanbaǵan.
Aita keteiik, áleýmettik jelidegi bul jantúrshigerlik oqiǵalardy alǵash reseilik jýrnalister kótergen. Olar óz-ózine qol jumsaǵan balalardyń týystarymen tildese kele jelidegi jantúrshigerlik derekterdiń betin ashqan. Nátijesinde internette 12-16 jas aralyǵyndaǵy jastardy sanaly túrde óz-ózine qol jumsaýǵa ashyq itermeleitin toptar anyqtalǵan.
