Almaty oblysy Talǵar aýdandyq ortalyq aýrýhanasy jekemenshikke berildi. Basqarýshy kompaniia qyzmetkerlerdi jumystan shyǵarmai, kerisinshe 2021 jyldan bastap eńbekaqysyn kóterýge ýáde berip otyr, dep habarlaidy "Ult aqparat".
Aýdandyq aýrýhananyń jekemenshikke ótkeni týraly habarlama áleýmettik jelide taraǵan bolatyn.
Qyzmetkerlerdiń kópshiligi jumysynan airylyp qalamyz ba dep qaýiptengen bolatyn. 7 qazanda Almaty oblystyq qarjy basqarmasy Talǵar aýdandyq ortalyq aýrýhanasyn senimdi basqarýǵa tapsyrýǵa elektrondy tender ótkizgen.
23 qazanda saýda hattamasy boiynsha «A-Class Medical» JShS elektrondy tenderdiń jeńimpazy bolyp tanylǵan.
Atalǵan kompaniianyń baspasóz qyzmetinde kompaniianyń tegin meditsinalyq kómektiń kepildendirilgen kólemi men mindetti áleýmettik meditsinalyq saqtandyrý boiynsha qyzmet kórsetýde tájiribesi mol ekendigin aitty.
Kelisimshart jasalǵan kezde senimdi basqarýdyń biznes jospary jasalǵan.
- Almaty oblystyq densaýlyq saqtaý basqarmasynyń «Talǵar aýdandyq ortalyq aýrýhanasy» sharýashylyq basqarý quqyǵyndaǵy MKK qyzmet etý profili saqtalady.
- 2021 jyldyń 1 qańtarynan bastap qyzmetkerlerdiń jalaqysyna differentsialdy eńbekaqysyn tóleý júiesi boiynsha 20%-ǵa ósetin boldy.
- Senimdi basqarý kelisimsharty jaramdy merzimde barlyq shtattyq birlik saqtalady.
- Basqarýshy kompaniianyń atynan dárigerler men orta medpersonaldyń alys-jaqyn shetelderde kásibi biliktiligin arttyrý qolǵa alynady.
Odan bólek menshik iesi aýrýhana mańyndaǵy aimaqty abattandyryp, kardiologiialyq, reabilitatsiialyq, palliativti kómek, nefrologiialyq bólimshelerde jóndeý jumystaryn jóndeýge mindetteledi.
