Jeke tulǵalar tabysy men múlki týraly deklaratsiia tapsyratyn kez keldi. Bul týraly QR Qarjy ministrliginiń Memlekettik kirister komitetinen málim etti, dep habarlaidy QazAqparat.
«2021 jyly jalpyǵa birdei deklaratsiialaýdyń birinshi kezeńiniń aktivter men mindettemeler týraly deklaratsiiany (250.00 nysan) tapsyrý merzimi aiaqtaldy. Birinshi kezeń aiasynda deklaratsiiany memlekettik qyzmetshiler men olarǵa teńestirilgen tulǵalar, sondai-aq olardyń jubailary (zaiyptary) usynǵan. Osy jyldan bastap bul tulǵalar jyl saiyn tabysy men múlki týraly deklaratsiiany tapsyratyn bolady (270.00 nysan). Onda esepti kúntizbelik jyly alynǵan kiristeri, salyq shegerimderi, múlki, Qazaqstan Respýblikasynan tysqary jerde ornalasqan sheteldik bankterdegi banktik shottardaǵy aqsha, sondai-aq Qazaqstan Respýblikasynan tysqary jerlerdegi múlikti satyp alý jáne (nemese) ielikten shyǵarý týraly málimetter kórsetiledi», - dep atap ótedi komitetten.
Vedomstvo málimetinshe, kiristeri men múlki týraly deklaratsiiany «Salyq tóleýshiniń kabineti» (kgd.gov.kz), eSalyq Azamat mobildi qosymshasy arqyly, sondai-aq qaǵaz túrinde memlekettik kirister organdaryna nemese halyqqa qyzmet kórsetý ortalyqtaryna kelip qolma-qol tapsyrýǵa nemese poshta arqyly jiberýge bolady.
Birinshi kezeńdegi jeke tulǵalar úshin tabysy men múlki týraly deklaratsiiany qaǵaz túrinde 2022 jyldyń 15 shildesinen keshiktirmei, elektrondy túrde 2022 jyldyń 15 qyrkúieginen keshiktirmei tapsyrý qajet.
