© Pixabay / Bru-nO
Jylyna 50 mln teńge tabys tabatyn qazaqstandyqtar úshin jeke tabys salyǵynyń progressivti shkalasy engizilýi múmkin. Bul týraly Ulttyq ekonomika ministri Álibek Qýantyrov málimdedi, dep habarlaidy Sputnik Qazaqstan.
"Biz jylyna 40-50 million teńgeden astam tabys tabatyn jeke tulǵalarǵa progressivti jeke tabys salyǵyn engizýdi qarastyryp jatyrmyz. Sondai-aq passivti kiriske, iaǵni depozitterge, baǵaly qaǵazdarǵa da progressivti shkalany qoldanýdy kózdep otyrmyz", - dedi Qýantyrov Májilis kýlýarynda.
Jeke tabys salyǵynyń progressivti shkalasy degenimiz – tabystyń mólsherine qarai ózgeretin salyq stavkasy. Iaǵni progressivti shkalanyń maǵynasy – ailyǵy tómen azamattar salyqty az tólese, al jalaqysy kóp azamattar úshin salyq mólsheri ulǵaiady.
Qazirgi tańda qazaqstandyqtar óz jalaqysynan 10% jeke tabys salyǵyn tóleidi.
