Memlekettik kirister komiteti 2020 jyly jeke tabys salyǵyn esepteýde ailyq eseptik kórsetkishtiń qai mólsheri qoldanylatyny týraly túsindirdi, dep habarlaidy "Ult aqparat".
«2020 jyldyń 1 sáýirinen bastap ailyq eseptik kórsetkishtiń ózgerýine bailanysty salyq salynatyn kiristi anyqtaýda onyń qai mólsherin qoldaný qajettigi jóninde salyq tóleýshilerde saýal týyndaýda. «2020 jylǵa arnalǵan naqtylanǵan respýblikalyq biýdjet týraly» Qazaqstan Respýblikasy Prezidentiniń 2020 jylǵy 8 sáýirdegi № 299 Jarlyǵymen 2020 jylǵy 1 sáýirden bastap ailyq eseptik kórsetkish 2 778 teńge somasynda belgilendi», - delingen habarlamada.
Salyq kodeksimen salyq shegerimderin, sondai-aq salyq salýdan bosatylatyn kiristerdi, túzetýlerdi eseptegende AEK balamasyna keltiriledi.
1. Jumyskerlerdiń qyzmettik saparyna bailanysty ótemaqy tólemderinen jeke tulǵanyń kirisi retinde qarastyrylmaityn tabysyn anyqtaýda sol tólemderdi esepteý kúnine qoldanysta bolǵan AEK paidalanylady (Salyq kodeksi, 319-baptyń 2-tarmaǵy 1) tarmaqshasy).
2. Jarnama maqsatynda óteýsiz (onyń ishinde syiǵa tartý túrinde) berilgen taýardyń quny jeke tulǵanyń kirisi retinde qarastyrylmaityn tabysyn anyqtaýda taýardy berý kúnindegi AEK qoldanylady (319-baptyń 2-tarmaǵy 20) tarmaqshasy).
3. Bir lotereia boiynsha utystan túsken kiristi túzetý kezinde utystardy esepteý kúnindegi AEK qoldanylady (341-baptyń 1-tarmaǵy 11) tarmaqshasy).
4. Qoǵamdyq jumystardy oryndaýǵa jáne kásiptik oqytýǵa bailanysty tólemder boiynsha kiristi túzetý úshin tólem júrgizý kúnindegi AEK qoldanylady (341-baptyń 1-tarmaǵy 12) tarmaqshasy).
5. Jeke tulǵanyń kirisi retinde qarastyrylmaityn:
- qyzmettik, jumyskerdi oqytý, biliktiligin arttyrý nemese qaita daiarlaý maqsatyndaǵy issaparlar kezindegi ótemaqylardy (319-baptyń 2-tarmaǵy 2) tarmaqshasy);
- jarnama maqsatynda óteýsiz (onyń ishinde syiǵa tartý túrinde) berilgen taýardyń qunyn (319-baptyń 2-tarmaǵy 40) tarmaqshasy);
- derbes bilim berý uiymynyń shyǵystary jáne osyndai uiymnyń jasaityn tólemderin (319-baptyń 2-tarmaǵy 42) jáne 43) tarmaqshalary);
- derbes bilim berý uiymynyń daiyndyq bóliminde oqityn jeke tulǵa alǵan materialdyq paidasyn (319-baptyń 2-tarmaǵy 44) tarmaqshasy) esepteý barysynda tiisti qarjy jylynyń 1 qańtaryndaǵy AEK qoldanylady (2020 jyly - 2 651 teńge).
6. Kiristi túzetý barysynda:
- jeke qosalqy sharýashylyqpen ainalysatyn árbir tulǵanyń jeke qosalqy sharýashylyǵynan kirisin (341-baptyń 1-tarmaǵy 14) tarmaqshasy);
- jeke tulǵa meditsinalyq kórsetiletin qyzmetterge (kosmetologiialyqtan basqa) tólengen naqty shyǵystaryn, balasy týylǵan kezde jumyskerge materialdyq kómek kórsetý túrindegi tólemderdi jáne jerleýge arnalǵan tólemderdi (341-baptyń 1-tarmaǵy 18) tarmaqshasy);
- jumys berýshiniń júktilik pen bosaný boiynsha demalysqa, jańa týǵan balany asyrap alǵan jumyskerlerdiń demalysyna aqy tóleýge arnalǵan shyǵystary túrindegi kiristerdi (341-baptyń 1-tarmaǵy 27) tarmaqshasy);
- AEK-tiń 25 eselengen mólsherinen aspaityn kirisine 90 paiyzdyq mólsherin (341-baptyń 1-tarmaǵy 49) tarmaqshasy) eseeptegende 2651 teńge mólsherindegi AEK qoldanylady.
7. Kelesi salyq shegerimderdi esepteýde :
1) myna adamdardyń salyq salynatyn tabystarynan 882 eselengen AEK mólsherindegi standartty shegerimderin alý úshin:
- UOS qatysýshysy jáne oǵan teńestirilgen adamnyń;
- Soǵysy jyldarynda tyldaǵy qajyrly eńbegi men minsiz áskeri qyzmeti úshin burynǵy SSSR ordenderimen jáne medaldarymen nagradtalǵan adamnyń;
- 1941 jylǵy 22 maýsym – 1945 jylǵy 9 mamyr aralyǵynda keminde alty ai jumys istegen (qyzmet ótkergen) jáne UOS jyldarynda tyldaǵy qajyrly eńbegi men minsiz áskeri qyzmeti úshin burynǵy SSSR ordenderimen jáne medaldarymen nagradtalmaǵan adamnyń;
- I, II nemese III toptardaǵy múgedektiń;
- múgedek balanyń kirisinen (346-baptyń 1-tarmaǵy 2) tarmaqshasy);
- múgedek balanyń ata-anasynyń, qorǵanshylarynyń, qamqorshylarynyń biriniń, bala kezinen múgedektiń ata-anasynyń, qorǵanshylarynyń, qamqorshylarynyń biriniń (346-baptyń 1-tarmaǵy 3) tarmaqshasy);
2) meditsinaǵa arnalǵan salyqtyq shegerimge (348-baptyń 3-tarmaǵy) 2651 teńge mólsherindegi AEK qoldanylady.
Eńbek immigranty-rezidentiniń jumys jasaityn árbir aiy úshin jeke tabys salyǵy boiynsha aldyn-ala tólem 2 651 teńge AEK-tiń 2 eselengen mólsherinde esepteledi (360-baptyń 2-tarmaǵy).
