QR Prezidenti Qasym-Jomart Toqaev Qyrǵyzstan basshysy Sooronbai Jeenbekovpen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleket basshylary qazaq-qyrǵyz strategiialyq seriktestigi men odaqtastyq qatynastardyń qazirgi ahýalyn jáne ony odan ári nyǵaitýdyń perspektivalaryn talqylady.
Áńgimelesý barysynda Qazaqstan Prezidentiniń 2019 jylǵy qarashada Qyrǵyz Respýblikasyna jasaǵan memlekettik saparynyń qorytyndylary boiynsha qol jetkizgen ýaǵdalastyqtardy sapaly júzege asyrý qajettigi aityldy.
Taraptar keden beketterindegi júk tasymaly rásimderin jeńildetý maqsatynda tsifrlyq tehnologiia salasy boiynsha yqpaldastyq ornatý máselesin qarastyrdy.
Qyrǵyz Respýblikasynyń Prezidenti Sooronbai Jeenbekov Qasym-Jomart Toqaevqa Qazaqstannyń Ýhan (QHR) qalasynan qyrǵyz azamattaryn evakýatsiialaýǵa kórsetken kómegi úshin alǵys bildirdi.
Telefon arqyly sóilesýge qyrǵyz tarapy bastamashy boldy.
Eske salaiyq, 2 aqpanda Qazaqstan Respýblikasy azamattarynyń densaýlyq qaýipsizdigin qamtamasyz etý maqsatynda QR DSM Ulttyq shuǵyl meditsina úilestirý ortalyǵy QHR-dyń Ýhan qalasynda júrgen 83 qazaqstandyqty, onyń ishinde 80 stýdentti elge jetkizdi.
Osy kúni sondai-aq arnaiy bortpen Nur-Sultan qalasy arqyly 18 qyrǵyz stýdenti Bishkekke jetkizildi. «Olar áýejaida tiisti tekserýden ótkizilip, Bishkek qalasynyń mańyndaǵy aýrýhanaǵa jatqyzyldy», - dep málim etken bolatyn Qazaqstannyń Densaýlyq saqtaý ministrliginen.
