QR Densaýlyq saqtaý ministrliginiń resmi ókili Baǵdat Qojahmetov koronavirýstyń jańa tolqynyna daiyndyq jumystaryn baiandady, dep habarlaidy QazAqparat.
«Koronavirýstyń jańa tolqynyna daiyndyq qyzý júrip jatyr. Qazaqstandaǵy meditsinalyq mekemeler bir mezette 70 myń tósek-oryn daiyndaýǵa qaýqarly. Onyń ishinde úsh myńǵa tarta jansaqtaý bólimi bolady. Qazirgi ýaqytta elimizde 19 066 infektsiialyq tósek-oryn bar, onyń qazirgi jútemesi 15 paiyzdy qurap otyr. Infektsiialyq jáne provizorlyq ortalyqtarda ókpeni jasandy jeldetýge arnalǵan 3 379 apparat bar, qosymsha 2619 dana satyp alynýda», - dedi B. Qojahmetov búgin Ortalyq kommýnikatsiialar qyzmetinde ótken brifingte.
Qazirgi ýaqytta Qazaqstan boiynsha emdeýge arnalǵan 21 566 oryn ottegimen qamtylǵan jáne ai sońyna deiin qosymsha 9300 oryndy qamtamasyz etý josparda bar.
«Sondai-aq jyl sońyna deiin jedel járdem qyzmeti Qazaqstanda shyǵarylǵan 1 167 avtokólikpen jabdyqtalady. Shalǵaidaǵy aýyldar úshin 100 meditsinalyq keshen satyp alynady», - dedi resmi ókil.
