قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ كوروناۆيرۋستىڭ جاڭا تولقىنىنا دايىندىق جۇمىستارىن باياندادى, دەپ حابارلايدى قازاقپارات.
«كوروناۆيرۋستىڭ جاڭا تولقىنىنا دايىندىق قىزۋ جٷرٸپ جاتىر. قازاقستانداعى مەديتسينالىق مەكەمەلەر بٸر مەزەتتە 70 مىڭ تٶسەك-ورىن دايىنداۋعا قاۋقارلى. ونىڭ ٸشٸندە ٷش مىڭعا تارتا جانساقتاۋ بٶلٸمٸ بولادى. قازٸرگٸ ۋاقىتتا ەلٸمٸزدە 19 066 ينفەكتسييالىق تٶسەك-ورىن بار, ونىڭ قازٸرگٸ جٷتەمەسٸ 15 پايىزدى قۇراپ وتىر. ينفەكتسييالىق جەنە پروۆيزورلىق ورتالىقتاردا ٶكپەنٸ جاساندى جەلدەتۋگە ارنالعان 3 379 اپپارات بار, قوسىمشا 2619 دانا ساتىپ الىنۋدا», - دەدٸ ب. قوجاحمەتوۆ بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە.
قازٸرگٸ ۋاقىتتا قازاقستان بويىنشا ەمدەۋگە ارنالعان 21 566 ورىن وتتەگٸمەن قامتىلعان جەنە اي سوڭىنا دەيٸن قوسىمشا 9300 ورىندى قامتاماسىز ەتۋ جوسپاردا بار.
«سونداي-اق جىل سوڭىنا دەيٸن جەدەل جەردەم قىزمەتٸ قازاقستاندا شىعارىلعان 1 167 اۆتوكٶلٸكپەن جابدىقتالادى. شالعايداعى اۋىلدار ٷشٸن 100 مەديتسينالىق كەشەن ساتىپ الىنادى», - دەدٸ رەسمي ٶكٸل.
