Foto: Jazýshylar odaǵy
Qazaqstan Jazýshylar odaǵynyń Ádebi jyl qorytyndysynyń ekinshi kúni mazmundy sharalarmen tolyqty, dep habarlaidy Ult.kz.
Jiynda sóz sóilegen Qazaqstan Jazýshylar odaǵy Basqarmasynyń Tóraǵasy Mereke Qulkenov eki kúnge sozylǵan ádebi jiynnyń máni men mańyzyn tereńirek tarqatyp berdi.
"Eki kúnge sozylǵan bul ádebi jiynǵa atsalysqan barlyq qalamgerlerge alǵysymyz zor. Sońǵy úsh jylda qazaq ádebietine, qazaq jazýshysyna degen qoǵamdyq yqylas arta tústi. El Prezidentiniń kitapqa degen yqylasy erekshe ekenine kýámiz. Jýyrda 23 sáýir Ulttyq kitap kúni bolyp jariialanyp, bul mereke Astana qalasynda jáne barlyq óńirlerde keń kólemde atalyp ótti. Baiqaýlar uiymdastyrylyp, 10 nominatsiia boiynsha úzdik baspagerlerge qarjylai syilyqtar tapsyryldy. Bul qadamdar elimizdiń rýhani ómirinde mańyzdy betburys bolyp otyr", – dedi Mereke Qulkenov.
Tóraǵa óz sózinde qazirgi tańda redaktorlardyń bedelin kóterý máselesine de toqtaldy. Sebebi sapaly kitaptyń kilti – myqty redaktsiiada. Bul rette Memlekettik keńesshi Erlan Qarin bastaǵan mańyzdy jobalardyń qatarynda qazaqtyń uly perzenti Abaidyń týǵan kúnine deiin úzdik dep tanylǵan 10 kitapty anyqtap, sol arqyly “Qazaqstannyń eń kóp oqylatyn 100 kitabyn” tańdaý bastamasy úlgi etildi.
Mereke Qulkenov balalar ádebietiniń mańyzdylyǵyn aita kele, “Ertóstik” ádebi syilyǵynyń negizi qalanǵanyn súiinshiledi. Endigi jerde balalarǵa arnalǵan úzdik shyǵarmalar laiyqty baǵasyn alatyn bolady.
Jiynda jazýshy Marat Toqashbaev ádebi jyl qorytyndysyna joǵary baǵa berip, til máselesin ádebiet arqyly sheshýdiń mańyzdylyǵyn jaryssózde atap ótti.
"Qoǵamdaǵy til máselesi Ata zańda aiqyn jazylǵan memlekettik til mártebesin tolyq túsinbeýden jáne qadirin sezinbeýden týyndaýda. Bul baǵytta ádebiettiń kúshi erekshe bolmaq", – dedi ol.
Jazýshy Dáýren Qýat “Juldyz” jýrnalynyń qazirgi ahýalyn sóz etip, basylymnyń taralymyn arttyrýdaǵy aqyn-jazýshylardyń belsendiligin arttyrý qajet ekenin alǵa tartty. Al “Qazaq ádebieti” gazetiniń bas redaktory, aqyn Baýyrjan Jaqyp ár janr boiynsha ótken keńesterdiń qorytyndysyna toqtalyp, qazirgi zamandaǵy nonfikshn, fentezi, detektiv janrlaryna qatysty órbigen tereń pikirlerdi erekshe atap ótti. Sonymen birge, «Qazaq ádebieti» gazetine jazylýdyń mańyzdylyǵyn, qazirgi tańda QR kod arqyly jazylý múmkindiginiń bar ekenin jetkizdi.
Dramatýrgiia keńesi atynan dramatýrg Alisher Rahat sóz sóilep, Qazaqstanda Ortalyq Aziia kóleminde jas dramatýrgiia mektebiniń qalyptasqanyn atap ótti. Alaida jas dramatýrgterdiń shyǵarmalary sirek sahnalanyp júrgenin, bul máseleni sheshý qajet ekenin qaperge saldy.
Jiynda poeziia keńesinen Aqsuńqar Aqynbaba, orys ádebieti keńesinen Farhat Tamendarov, balalar ádebieti keńesinen Eldos Toqtarbai, “Jalyn” jýrnalynyń jái kúiin Qudiiar Bilál, uiǵyr ádebieti keńesinen klassik jazýshy Ahmetjan Ashiri jaryssózge shyǵyp, ózekti oilaryn ortaǵa saldy.
Ádebi jyl qorytyndysynyń ekinshi kúnin Qazaqstan Jazýshylar odaǵy Basqarma Tóraǵasynyń orynbasary Ǵalym Qalibekuly júrgizdi. Shara barysynda Halyqaralyq «Alash» ádebi syilyǵy, «Qazaqstannyń Qurmetti jazýshysy» ataǵy, sondai-aq baspa salasyna eńbegi sińgen qalamgerlerge Qazaqstan Jazýshylar odaǵy men Baspalar assotsiatsiiasynyń birlesip taǵaiyndaǵan arnaiy marapattary saltanatty túrde tabystaldy. Marapattardy Qazaqstan Jazýshylar odaǵy Basqarma Tóraǵasy Mereke Qulkenov óz qolymen tapsyrdy.
Sonymen birge jiynda Qazaqstan Jazýshylar odaǵy jáne «Sáýle-Kýiash», Abdýmajit Dólátov atyndaǵy respýblikalyq ádebi syilyǵynyń diplomdary ielerine tabystaldy. Sondai-aq Odaqtyń jańa múshelerine arnaiy múshelik biletteri tabystalyp, qazaq ádebietiniń sapyna jańa esimder qosyldy.
Foto: Facebook.com
Halyqaralyq «Alash» ádebi syilyǵynyń iegerleri:
1. Jandáýlet Tursynbai – «Kógildir aspan – jumaq kún» kitaby úshin
2. Alaýhanov Esbergen – Ádebietke sińirgen eńbegi úshin
3. Álpeiisova Kamal – «Júregimde jasyrǵan jyrlarym» kitaby úshin
4. Qaiymov Qanat – «Patshalar alqabyna saiahat» kitaby úshin
5. Nietqalieva Gúlzada – «Allajar» óleńder jinaǵy úshin
6. Qurmanqulov Baýyrjan – Ádebietke sińirgen eńbegi úshin
7. Sarin Qalqaman – «Jaryǵy sónbes jalǵyz jol» kitaby úshin
8.Ábilqaiyr Qanat – «Aǵyraptaǵy aty joq adam» romany úshin
9. Jaqybaev Ádephan – «Týǵan jer – qudiretti qut mekenim» kitaby úshin
10. Árip Ǵalym – «RýhSana» kitaby úshin
11. Súiinov Esengeldi – Ádebietke sińirgen eńbegi úshin
12. Áshirbaev Begjan – «Aibergenov atyndaǵy saǵynysh» kitaby úshin
13. Sháken Jádi – «Ertis qyzy» áńgimeler jinaǵy úshin
14. Ahmetov Temirbolat – Ádebietke sińirgen eńbegi úshin
15. Seidazym Aidar – «Japyraq ǵumyr» kitaby úshin
16. Qamshyger Saiat – «Kóńil kóktemi» óleńder jinaǵy úshin
17. Úmbetáliev Muhtar – «Júrektegi jazýlar» óleńder jinaǵy úshin
18. Sharahymbai Bolat – «Qaishylyqtar dilemmasy» kitaby úshin
19. Myrzahmetov Almaz – Ádebietke sińirgen eńbegi úshin
20. Aqynbaba Aqsuńqar – «Janartaý» óleńder jinaǵy úshin
21. Nurǵojaev Jaqypjan – «Keń dúnie tósińdi ash, men kelemin» kitaby úshin
22. Qunypiiauly Kádirbek – «Taltús» óleńder jinaǵy úshin
23. Áýezov Elýbai – «Jan azabyndaǵy Baqyt» óleńder jinaǵy úshin
24. Nurahmetov Beken – «Meniń taǵdyrymdaǵy adamdar» esseler jinaǵy úshin
25. Júnis Erlan – «Úmit jyrlary» kitaby úshin
26. Tokin Tursynbek – «Ázirbaijan – Otanym» kitaby úshin
27. Nazarov Shavkat – «Jiǵlima, qálbim» kitaby úshin
«Qazaqstannyń Qurmetti jazýshysy» marapatynyń iegerleri:
1. Túmenbaev Qýandyq
2. Seiitjan Zufar
3. Ábdezuly Qanseiit
4. Dádebaev Janǵara
5. Árin Ámire
6. Bektemirova Nurila
7. Ábdirahym Núsipbai
8. Qojahmetova Maǵira
9. Aqysh Nurdáýlet
10. Qaiyrbekov Ádilǵazy
11. Aiazbekov Januzaq
12. Kenebai Jumash
13. Qorǵasbek Júsipbek
14. Bestibaev Qairat
15. Estenov Arasanbai
16. Seiitjan Zufar
17. Jánábilov Serik
18. Qystaýbaev Zahardin
Qazaqstan Jazýshylar odaǵynyń Ádebi jyl qorytyndysy – qalamgerlerdiń basyn qosyp, qazaq ádebietiniń búgingi tynysy men bolashaǵyn aiqyndaityn taǵylymdy da mańyzdy basqosý retinde este qaldy.
Buǵan deiin biz Jazýshylar odaǵynyń Ádebi jyl qorytyndysynyń birinshi kúni qalai ótkenin jazǵan bolatynbyz.
