فوتو: جازۋشىلار وداعى
قازاقستان جازۋشىلار وداعىنىڭ ەدەبي جىل قورىتىندىسىنىڭ ەكٸنشٸ كٷنٸ مازمۇندى شارالارمەن تولىقتى, دەپ حابارلايدى Ult.kz.
جيىندا سٶز سٶيلەگەن قازاقستان جازۋشىلار وداعى باسقارماسىنىڭ تٶراعاسى مەرەكە قۇلكەنوۆ ەكٸ كٷنگە سوزىلعان ەدەبي جيىننىڭ مەنٸ مەن ماڭىزىن تەرەڭٸرەك تارقاتىپ بەردٸ.
"ەكٸ كٷنگە سوزىلعان بۇل ەدەبي جيىنعا اتسالىسقان بارلىق قالامگەرلەرگە العىسىمىز زور. سوڭعى ٷش جىلدا قازاق ەدەبيەتٸنە, قازاق جازۋشىسىنا دەگەن قوعامدىق ىقىلاس ارتا تٷستٸ. ەل پرەزيدەنتٸنٸڭ كٸتاپقا دەگەن ىقىلاسى ەرەكشە ەكەنٸنە كۋەمٸز. جۋىردا 23 سەۋٸر ۇلتتىق كٸتاپ كٷنٸ بولىپ جارييالانىپ, بۇل مەرەكە استانا قالاسىندا جەنە بارلىق ٶڭٸرلەردە كەڭ كٶلەمدە اتالىپ ٶتتٸ. بايقاۋلار ۇيىمداستىرىلىپ, 10 نوميناتسييا بويىنشا ٷزدٸك باسپاگەرلەرگە قارجىلاي سىيلىقتار تاپسىرىلدى. بۇل قادامدار ەلٸمٸزدٸڭ رۋحاني ٶمٸرٸندە ماڭىزدى بەتبۇرىس بولىپ وتىر", – دەدٸ مەرەكە قۇلكەنوۆ.
تٶراعا ٶز سٶزٸندە قازٸرگٸ تاڭدا رەداكتورلاردىڭ بەدەلٸن كٶتەرۋ مەسەلەسٸنە دە توقتالدى. سەبەبٸ ساپالى كٸتاپتىڭ كٸلتٸ – مىقتى رەداكتسييادا. بۇل رەتتە مەملەكەتتٸك كەڭەسشٸ ەرلان قارين باستاعان ماڭىزدى جوبالاردىڭ قاتارىندا قازاقتىڭ ۇلى پەرزەنتٸ ابايدىڭ تۋعان كٷنٸنە دەيٸن ٷزدٸك دەپ تانىلعان 10 كٸتاپتى انىقتاپ, سول ارقىلى “قازاقستاننىڭ ەڭ كٶپ وقىلاتىن 100 كٸتابىن” تاڭداۋ باستاماسى ٷلگٸ ەتٸلدٸ.
مەرەكە قۇلكەنوۆ بالالار ەدەبيەتٸنٸڭ ماڭىزدىلىعىن ايتا كەلە, “ەرتٶستٸك” ەدەبي سىيلىعىنىڭ نەگٸزٸ قالانعانىن سٷيٸنشٸلەدٸ. ەندٸگٸ جەردە بالالارعا ارنالعان ٷزدٸك شىعارمالار لايىقتى باعاسىن الاتىن بولادى.
جيىندا جازۋشى مارات توقاشباەۆ ەدەبي جىل قورىتىندىسىنا جوعارى باعا بەرٸپ, تٸل مەسەلەسٸن ەدەبيەت ارقىلى شەشۋدٸڭ ماڭىزدىلىعىن جارىسسٶزدە اتاپ ٶتتٸ.
"قوعامداعى تٸل مەسەلەسٸ اتا زاڭدا ايقىن جازىلعان مەملەكەتتٸك تٸل مەرتەبەسٸن تولىق تٷسٸنبەۋدەن جەنە قادٸرٸن سەزٸنبەۋدەن تۋىنداۋدا. بۇل باعىتتا ەدەبيەتتٸڭ كٷشٸ ەرەكشە بولماق", – دەدٸ ول.
جازۋشى دەۋرەن قۋات “جۇلدىز” جۋرنالىنىڭ قازٸرگٸ احۋالىن سٶز ەتٸپ, باسىلىمنىڭ تارالىمىن ارتتىرۋداعى اقىن-جازۋشىلاردىڭ بەلسەندٸلٸگٸن ارتتىرۋ قاجەت ەكەنٸن العا تارتتى. ال “قازاق ەدەبيەتٸ” گازەتٸنٸڭ باس رەداكتورى, اقىن باۋىرجان جاقىپ ەر جانر بويىنشا ٶتكەن كەڭەستەردٸڭ قورىتىندىسىنا توقتالىپ, قازٸرگٸ زامانداعى نونفيكشن, فەنتەزي, دەتەكتيۆ جانرلارىنا قاتىستى ٶربٸگەن تەرەڭ پٸكٸرلەردٸ ەرەكشە اتاپ ٶتتٸ. سونىمەن بٸرگە, «قازاق ەدەبيەتٸ» گازەتٸنە جازىلۋدىڭ ماڭىزدىلىعىن, قازٸرگٸ تاڭدا QR كود ارقىلى جازىلۋ مٷمكٸندٸگٸنٸڭ بار ەكەنٸن جەتكٸزدٸ.
دراماتۋرگييا كەڭەسٸ اتىنان دراماتۋرگ اليشەر راحات سٶز سٶيلەپ, قازاقستاندا ورتالىق ازييا كٶلەمٸندە جاس دراماتۋرگييا مەكتەبٸنٸڭ قالىپتاسقانىن اتاپ ٶتتٸ. الايدا جاس دراماتۋرگتەردٸڭ شىعارمالارى سيرەك ساحنالانىپ جٷرگەنٸن, بۇل مەسەلەنٸ شەشۋ قاجەت ەكەنٸن قاپەرگە سالدى.
جيىندا پوەزييا كەڭەسٸنەن اقسۇڭقار اقىنبابا, ورىس ەدەبيەتٸ كەڭەسٸنەن فارحات تامەنداروۆ, بالالار ەدەبيەتٸ كەڭەسٸنەن ەلدوس توقتارباي, “جالىن” جۋرنالىنىڭ جەي كٷيٸن قۇدييار بٸلەل, ۇيعىر ەدەبيەتٸ كەڭەسٸنەن كلاسسيك جازۋشى احمەتجان اشيري جارىسسٶزگە شىعىپ, ٶزەكتٸ ويلارىن ورتاعا سالدى.
ەدەبي جىل قورىتىندىسىنىڭ ەكٸنشٸ كٷنٸن قازاقستان جازۋشىلار وداعى باسقارما تٶراعاسىنىڭ ورىنباسارى عالىم قاليبەكۇلى جٷرگٸزدٸ. شارا بارىسىندا حالىقارالىق «الاش» ەدەبي سىيلىعى, «قازاقستاننىڭ قۇرمەتتٸ جازۋشىسى» اتاعى, سونداي-اق باسپا سالاسىنا ەڭبەگٸ سٸڭگەن قالامگەرلەرگە قازاقستان جازۋشىلار وداعى مەن باسپالار اسسوتسياتسيياسىنىڭ بٸرلەسٸپ تاعايىنداعان ارنايى ماراپاتتارى سالتاناتتى تٷردە تابىستالدى. ماراپاتتاردى قازاقستان جازۋشىلار وداعى باسقارما تٶراعاسى مەرەكە قۇلكەنوۆ ٶز قولىمەن تاپسىردى.
سونىمەن بٸرگە جيىندا قازاقستان جازۋشىلار وداعى جەنە «سەۋلە-كۋياش», ابدۋماجيت دٶلەتوۆ اتىنداعى رەسپۋبليكالىق ەدەبي سىيلىعىنىڭ ديپلومدارى يەلەرٸنە تابىستالدى. سونداي-اق وداقتىڭ جاڭا مٷشەلەرٸنە ارنايى مٷشەلٸك بيلەتتەرٸ تابىستالىپ, قازاق ەدەبيەتٸنٸڭ ساپىنا جاڭا ەسٸمدەر قوسىلدى.
فوتو: Facebook.com
حالىقارالىق «الاش» ەدەبي سىيلىعىنىڭ يەگەرلەرٸ:
1. جاندەۋلەت تۇرسىنباي – «كٶگٸلدٸر اسپان – جۇماق كٷن» كٸتابى ٷشٸن
2. الاۋحانوۆ ەسبەرگەن – ەدەبيەتكە سٸڭٸرگەن ەڭبەگٸ ٷشٸن
3. ەلپەيٸسوۆا كامال – «جٷرەگٸمدە جاسىرعان جىرلارىم» كٸتابى ٷشٸن
4. قايىموۆ قانات – «پاتشالار القابىنا ساياحات» كٸتابى ٷشٸن
5. نيەتقاليەۆا گٷلزادا – «اللاجار» ٶلەڭدەر جيناعى ٷشٸن
6. قۇرمانقۇلوۆ باۋىرجان – ەدەبيەتكە سٸڭٸرگەن ەڭبەگٸ ٷشٸن
7. سارين قالقامان – «جارىعى سٶنبەس جالعىز جول» كٸتابى ٷشٸن
8.ەبٸلقايىر قانات – «اعىراپتاعى اتى جوق ادام» رومانى ٷشٸن
9. جاقىباەۆ ەدەپحان – «تۋعان جەر – قۇدٸرەتتٸ قۇت مەكەنٸم» كٸتابى ٷشٸن
10. ەرٸپ عالىم – «رۋحسانا» كٸتابى ٷشٸن
11. سٷيٸنوۆ ەسەنگەلدٸ – ەدەبيەتكە سٸڭٸرگەن ەڭبەگٸ ٷشٸن
12. ەشٸرباەۆ بەگجان – «ايبەرگەنوۆ اتىنداعى ساعىنىش» كٸتابى ٷشٸن
13. شەكەن جەدي – «ەرتٸس قىزى» ەڭگٸمەلەر جيناعى ٷشٸن
14. احمەتوۆ تەمٸربولات – ەدەبيەتكە سٸڭٸرگەن ەڭبەگٸ ٷشٸن
15. سەيدازىم ايدار – «جاپىراق عۇمىر» كٸتابى ٷشٸن
16. قامشىگەر سايات – «كٶڭٸل كٶكتەمٸ» ٶلەڭدەر جيناعى ٷشٸن
17. ٷمبەتەليەۆ مۇحتار – «جٷرەكتەگٸ جازۋلار» ٶلەڭدەر جيناعى ٷشٸن
18. شاراحىمباي بولات – «قايشىلىقتار ديلەمماسى» كٸتابى ٷشٸن
19. مىرزاحمەتوۆ الماز – ەدەبيەتكە سٸڭٸرگەن ەڭبەگٸ ٷشٸن
20. اقىنبابا اقسۇڭقار – «جانارتاۋ» ٶلەڭدەر جيناعى ٷشٸن
21. نۇرعوجاەۆ جاقىپجان – «كەڭ دٷنيە تٶسٸڭدٸ اش, مەن كەلەمٸن» كٸتابى ٷشٸن
22. قۇنىپيياۇلى كەدٸربەك – «تالتٷس» ٶلەڭدەر جيناعى ٷشٸن
23. ەۋەزوۆ ەلۋباي – «جان ازابىنداعى باقىت» ٶلەڭدەر جيناعى ٷشٸن
24. نۇراحمەتوۆ بەكەن – «مەنٸڭ تاعدىرىمداعى ادامدار» ەسسەلەر جيناعى ٷشٸن
25. جٷنٸس ەرلان – «ٷمٸت جىرلارى» كٸتابى ٷشٸن
26. توكين تۇرسىنبەك – «ەزٸربايجان – وتانىم» كٸتابى ٷشٸن
27. نازاروۆ شاۆكات – «جيعليما, قەلبيم» كٸتابى ٷشٸن
«قازاقستاننىڭ قۇرمەتتٸ جازۋشىسى» ماراپاتىنىڭ يەگەرلەرٸ:
1. تٷمەنباەۆ قۋاندىق
2. سەيٸتجان زۇفار
3. ەبدەزۇلى قانسەيٸت
4. دەدەباەۆ جانعارا
5. ەرٸن ەمٸرە
6. بەكتەمٸروۆا نۇريلا
7. ەبدٸراحىم نٷسٸپباي
8. قوجاحمەتوۆا ماعيرا
9. اقىش نۇردەۋلەت
10. قايىربەكوۆ ەدٸلعازى
11. ايازبەكوۆ جانۇزاق
12. كەنەباي جۇماش
13. قورعاسبەك جٷسٸپبەك
14. بەستٸباەۆ قايرات
15. ەستەنوۆ اراسانباي
16. سەيٸتجان زۇفار
17. جەنەبٸلوۆ سەرٸك
18. قىستاۋباەۆ زاحاردين
قازاقستان جازۋشىلار وداعىنىڭ ەدەبي جىل قورىتىندىسى – قالامگەرلەردٸڭ باسىن قوسىپ, قازاق ەدەبيەتٸنٸڭ بٷگٸنگٸ تىنىسى مەن بولاشاعىن ايقىندايتىن تاعىلىمدى دا ماڭىزدى باسقوسۋ رەتٸندە ەستە قالدى.
بۇعان دەيٸن بٸز جازۋشىلار وداعىنىڭ ەدەبي جىل قورىتىندىسىنىڭ بٸرٸنشٸ كٷنٸ قالاي ٶتكەنٸن جازعان بولاتىنبىز.
