Bilim jáne ǵylym ministrligi Mektepke deiingi orta bilim berý komitetiniń tóraǵasy Maira Meldebekova jazǵy sabaqtar úshin muǵalimderge ústemeaqy nege tólenbeitinin túsindirdi, dep habarlaidy "Ult aqparat".
«Jalpy jazdyń úsh aiyna 90 kún keletin bolsa, sonyń 56 kúninde ǵana muǵalimder demalady. Bul - burynnan beri kele jatqan format. Qalǵan kúnderi pedagog mektepte bolyp, qalypty jumys isteidi. Jazǵy mekteptegi jumysy úshin eshbir muǵalimge qosymsha ústemeaqy tólenbeidi. Buǵan deiin jazdaǵy jumys kúnderi úshin qandai ailyq alyp júrgen bolsa, sol mólsher saqtalady.
Pandemiiaǵa deiin de muǵalimder jazǵy kanikýlden tys kúnderi jumys josparlaryn pysyqtap, metodikalyq jumysty tártipke keltiretin. Osy jumystardyń aiasynda biyl olar ótken oqý jylynyń olqylyqtaryn toltyrady. Sondyqtan qosymsha aqy tólenbeidi», - dedi Maira Meldebekova BAQ ókilderine bergen suhbatynda.
