Ánshi ári kompozitor Marat Omarov “Anashym” ánine qatysty Nurlan Ónerbaevqa taǵy da renish bildirdi. Ol bul joly pikirin Threads jelisinde jazdy, dep habarlaidy ult.kz.
Omarov bul máseleni buǵan deiin jýrnalist Aman Tasyǵanǵa bergen suhbatynda da qozǵaǵan edi. Onyń renishine Ónerbaevtyń kontsertterdiń birinde “Anashym” áni týraly aitqan sózi sebep bolǵan.
“Ánniń kimniń áni ekeninde, sózin kim jazǵanynda eldiń sharýasy joq. Bul Nurlannyń áni”, – degen Ónerbaev.
Biraq video osy sózden keiin kesilip qalǵan.
Omarov áriptesiniń osy sózine Threads jelisinde jaýap berdi.
“Myna isiń uiat boldy. Ózgeniń eńbegin óz atynan iemdený – óner adamyna syn. Ar men abyroi bárinen biik bolýy kerek!” – dep jazdy kompozitor.
Aita keteiik, Jazira Baiyrbekova mańyzdy málimdeme jasady.
https://www.threads.com/share/BAEkUDii_t
Marat Omarov kim?
Marat Ábdiuly Omarov – qazaqtyń ánshi-kompozitory, Qazaqstan Kompozitorlar odaǵynyń múshesi. Ol 1959 jyly 16 sáýirde qazirgi Túrkistan oblysy Sozaq aýdanynyń Sholaqqorǵan aýylynda dúniege kelgen. Shymkent oblystyq filarmoniiasynyń “Aýylym – ánim” ansamblinde ánshi, Qazaq televiziiasynda mýzykalyq redaktor bolyp jumys istegen.

Omarovtyń “Áke armany”, “Alǵashqy mahabbat”, “Qyz syny”, “Syńarym” jáne “Ánshi balapan” ánderi elge keńinen tanylǵan.

"Anashymnyń” áýenin Marat Omarov, sózin aqyn Qairat Jumaǵaliev jazǵan. Bul ándi Nurlan Ónerbaev uzaq jyldar boiy oryndap kelgen.