ەنشٸ ەرٸ كومپوزيتور مارات وماروۆ “اناشىم” ەنٸنە قاتىستى نۇرلان ٶنەرباەۆقا تاعى دا رەنٸش بٸلدٸردٸ. ول بۇل جولى پٸكٸرٸن Threads جەلٸسٸندە جازدى, دەپ حابارلايدى ult.kz.
وماروۆ بۇل مەسەلەنٸ بۇعان دەيٸن جۋرناليست امان تاسىعانعا بەرگەن سۇحباتىندا دا قوزعاعان ەدٸ. ونىڭ رەنٸشٸنە ٶنەرباەۆتىڭ كونتسەرتتەردٸڭ بٸرٸندە “اناشىم” ەنٸ تۋرالى ايتقان سٶزٸ سەبەپ بولعان.
“ەننٸڭ كٸمنٸڭ ەنٸ ەكەنٸندە, سٶزٸن كٸم جازعانىندا ەلدٸڭ شارۋاسى جوق. بۇل نۇرلاننىڭ ەنٸ”, – دەگەن ٶنەرباەۆ.
بٸراق ۆيدەو وسى سٶزدەن كەيٸن كەسٸلٸپ قالعان.
وماروۆ ەرٸپتەسٸنٸڭ وسى سٶزٸنە Threads جەلٸسٸندە جاۋاپ بەردٸ.
“مىنا ٸسٸڭ ۇيات بولدى. ٶزگەنٸڭ ەڭبەگٸن ٶز اتىنان يەمدەنۋ – ٶنەر ادامىنا سىن. ار مەن ابىروي بەرٸنەن بيٸك بولۋى كەرەك!” – دەپ جازدى كومپوزيتور.
ايتا كەتەيٸك, جازيرا بايىربەكوۆا ماڭىزدى مەلٸمدەمە جاسادى.
https://www.threads.com/share/BAEkUDii_t
مارات وماروۆ كٸم?
مارات ەبدٸۇلى وماروۆ – قازاقتىڭ ەنشٸ-كومپوزيتورى, قازاقستان كومپوزيتورلار وداعىنىڭ مٷشەسٸ. ول 1959 جىلى 16 سەۋٸردە قازٸرگٸ تٷركٸستان وبلىسى سوزاق اۋدانىنىڭ شولاققورعان اۋىلىندا دٷنيەگە كەلگەن. شىمكەنت وبلىستىق فيلارمونيياسىنىڭ “اۋىلىم – ەنٸم” انسامبلٸندە ەنشٸ, قازاق تەلەۆيزيياسىندا مۋزىكالىق رەداكتور بولىپ جۇمىس ٸستەگەن.

وماروۆتىڭ “ەكە ارمانى”, “العاشقى ماحاببات”, “قىز سىنى”, “سىڭارىم” جەنە “ەنشٸ بالاپان” ەندەرٸ ەلگە كەڭٸنەن تانىلعان.

"اناشىمنىڭ” ەۋەنٸن مارات وماروۆ, سٶزٸن اقىن قايرات جۇماعاليەۆ جازعان. بۇل ەندٸ نۇرلان ٶنەرباەۆ ۇزاق جىلدار بويى ورىنداپ كەلگەن.