بٸلٸم جەنە عىلىم مينيسترلٸگٸ مەكتەپكە دەيٸنگٸ ورتا بٸلٸم بەرۋ كوميتەتٸنٸڭ تٶراعاسى مايرا مەلدەبەكوۆا جازعى ساباقتار ٷشٸن مۇعالٸمدەرگە ٷستەمەاقى نەگە تٶلەنبەيتٸنٸن تٷسٸندٸردٸ, دەپ حابارلايدى "ۇلت اقپارات".
«جالپى جازدىڭ ٷش ايىنا 90 كٷن كەلەتٸن بولسا, سونىڭ 56 كٷنٸندە عانا مۇعالٸمدەر دەمالادى. بۇل - بۇرىننان بەرٸ كەلە جاتقان فورمات. قالعان كٷندەرٸ پەداگوگ مەكتەپتە بولىپ, قالىپتى جۇمىس ٸستەيدٸ. جازعى مەكتەپتەگٸ جۇمىسى ٷشٸن ەشبٸر مۇعالٸمگە قوسىمشا ٷستەمەاقى تٶلەنبەيدٸ. بۇعان دەيٸن جازداعى جۇمىس كٷندەرٸ ٷشٸن قانداي ايلىق الىپ جٷرگەن بولسا, سول مٶلشەر ساقتالادى.
پاندەميياعا دەيٸن دە مۇعالٸمدەر جازعى كانيكۋلدەن تىس كٷندەرٸ جۇمىس جوسپارلارىن پىسىقتاپ, مەتوديكالىق جۇمىستى تەرتٸپكە كەلتٸرەتٸن. وسى جۇمىستاردىڭ اياسىندا بيىل ولار ٶتكەن وقۋ جىلىنىڭ ولقىلىقتارىن تولتىرادى. سوندىقتان قوسىمشا اقى تٶلەنبەيدٸ», - دەدٸ مايرا مەلدەبەكوۆا باق ٶكٸلدەرٸنە بەرگەن سۇحباتىندا.
