Qazaqstandyq ánshi Dimash Qudaibergen Dúniejúzilik boks keńesiniń (WBC) arnaiy qurmet belbeýine ie boldy. Marapattaý rásimi Meksikanyń astanasy Mehikoda ótti, dep habarlaidy ult.kz.
Belbeýdi ánshige WBC elshisi kishi Gektor Sýleiman, Álihan Jarylǵapov jáne keńestiń ózge de ókilderi tabystady.
Dimashty marapattaý týraly bastamany WBC prezidenti Maýrisio Sýleiman kótergen. Ol rásimge ózi qatysa almady.
“Qazaqstannan – búkil álemge. Mehikoda Dimash Qudaibergenge WBC-diń arnaiy belbeýin tabystaý – men úshin úlken mártebe. Ol – álemdik sahnanyń chempiony”, – delingen jariialanymda.
Aita keteiik, Marat Omarov Nurlan Ónerbaevqa ókpesin aitty.
Dimash Qudaibergen kim?
Dimash Qudaibergen – qazaqstandyq ánshi, kompozitor, Qazaqstannyń halyq ártisi. Tolyq aty-jóni – Dinmuhammed Qanatuly Qudaibergen. Ol 1994 jyly 24 mamyrda Aqtóbe qalasynda ánshiler Qanat Qudaibergenuly men Svetlana Aitbaevanyń otbasynda dúniege kelgen.

Dimash 2015 jyly Belarýstiń Vitebsk qalasynda ótken “Slavian bazary” halyqaralyq án baiqaýynyń bas júldesin jeńip aldy. 2017 jyly Qytaidaǵy “Singer” telebaiqaýynda ekinshi oryn alyp, halyqaralyq aýditoriiaǵa keńinen tanyldy.

2023 jyly oǵan “Qazaqstannyń halyq ártisi” ataǵy berildi. Keiin ol Qyrǵyzstannyń da halyq ártisi atandy.