Qyzylorda qalasynda oryn tepken ZK-169/5 mekemesinde jazasyn ótep jatqan aǵasymen kezdesýge kelgen azamat shulyq ishine jasyryp uialy telefon ótkizbek bolǵan, dep habarlaidy "Ult aqparat".
Ol aǵasymen qysqa merzimdi kezdesýge kelgen. Tekserý kezinde shulyq ishine tyǵylǵan uialy telefon tabyldy.
«Qyzylorda qalasyndaǵy ZK-169/5 mekemesiniń rejim bólimi men jedel bóliminiń qyzmetkerleri sottalǵandarǵa tyiym salynǵan zattar men buiymdardyń mekeme aýmaǵyna ótý joldaryn der kezinde anyqtaýǵa kúsh salyp keledi. Sottalǵandarmen kezdesýge kelgen olardyń týystaryna QR Qylmystyq-atqarý kodeksiniń normalary jáne jazasyn ótep jatqandarǵa tyiym salynǵan zattar men buiymdardy engizgen tulǵalardyń zań aldynda jaýapkershilikterin túsindirý keńinen júrgiziledi. Osyǵan qaramastan shulyq ishine uialy telefon jasyryp ótkizbek bolǵan azamat belgili boldy. Bul boiynsha ákimshilik jaýapkershilikke tartý úshin is- qujattary tolyqtai rásimdelip, sheshim qabyldaý úshin Qyzylorda qalasynyń sotyna joldandy», - dep málim etti Qylmystyq atqarý júiesi departamentiniń baspasóz hatshysy Dana Dostanova.
Budan buryn Qyzylordada tergeý izoliatorynda otyrǵan áiel bosanǵanǵandyǵyn habarlanǵan.
