Foto: onetwotrip.com
Jaz mezgiliniń kelýine az ǵana ýaqyt qaldy. Biyl jazǵy demalystarda qai elge qydyryp baratynyńyzdy bilmei otyrsańyz jáne sizdiń biýdjetińiz shekteýli bolsa, ult.kz tilshisi Qazaqstan halqy úshin tiimdi elderdiń tizimin jasap kórdi.
Saiahattaý, jańa elmen, jańa mádenietpen tanysý, tańsyq astan dám tatý sózsiz erekshe áser syilap, jumysbasty adamdardyń ishki kúiin rettep, shabytyna dem bereri sózsiz. Sondyqtan, eńbek etip otyrǵan ár bir adam saiahat beretin ádemi kúidi keshýge laiyq.
Foto: ashyq derekkózden
EGIPET
Kóp qarajatty talap etpeitin, biraq tereń tarihy men erekshe tabiǵaty ózin súisindire alatyn, qazaqtarǵa jat mádenietimen tańqaldyratyn el - Egipet. Shól dala, piramidalar, Qyzyl teńizdiń sýasty álemi ǵajaiyp esten ketpes kúi syilary sózsiz. Sharm-el-Sheih, Hýrgada jáne Marsa-el-Alam qonaqúilerinde barlyq qyzmet ishine kiretin qonaqúiler kóp. Ol ásirese tamaqqa aqsha jumsaý týraly oilanbai, erkin demalýǵa múmkindik beredi.
Egipette ekskýrsiialyq baǵdarlamalar óte mazmundy jáne qyzyqty. Saiahatshylar Giza piramidalaryna, Kair men Lýksorǵa baryp, ejelgi ǵajaiyptardy óz kózderimen kórip jatady. Egipettegi sý asty álemin tek súńgýirler ǵana emes, kez kelgen adamǵa egipettikter múmkindik jasap otyr. Eń tanymal jáne arzan ekskýrsiialardyń biri — túbi áinek qaiyqpen súńgý jáne Sinai shólindegi djip-safari deýge bolady.
Foto:journal.tinkoff.ru
VETNAM
Sońǵy jyldary Vetnam qazaqstandyqtary kóbirek qyzyqtyratyn týristik elge ainalyp otyr. Sonyń bir sebebi, demalystyń quny bolsa, ekinshiden jaily klimaty men tańǵajaiyp aq qumdy jaǵajai demalysy. Ońtústik Qytai jaǵalaýyndaǵy shyǵys eli óziniń erekshe mádenietimen, býdda pagodalarymen, dámdi taǵamdarymen de sizdi tánti eteri sózsiz.
Vetnamnyń teńiz jaǵalaýyndaǵy Nha Trang, Fantet jáne Mýine kýrorttary Kóktem-jaz ailarynda qyzady. Kúzde jańbyrly maýsymǵa bailanysty týrister sireidi. Bul ýaqytta qonaqúilerdiń baǵasy Shyǵys Aziia elderinde úlken mereke - 15 kún toilanatyn qytai Jańa jylyna deiin tómen bolyp turady.
Vetnamda qyzyqty ekskýrsiialardy uzaq izdeýdiń qajeti joq. Nagar men LongShon pagodasyndaǵy ǵibadathana munaralarymen tanysqannan keiin, Iang Bei ekoparkine nemese Ba Ho sarqyramalaryna saiahat jasasańyz bolady.
foto: gotur.kz
ARAB ÁMIRLIKTERI
BAÁ qazaqstandyq aýqatty adamdardyń ekinshi úiine ainalǵany el arasynda kóp aitylady. Al qarajaty shekteýli adam úshin bul Arab eli qysqa ýaqytqa demalyp qaitýǵa tamasha múmkindik jasap qoiǵan. BAÁ-ne saiahattaýdyń bir artyqshylyǵy - ushaqtyń tikelei reisteri deýge bolady.
Záýlim Býrdj Halifa ǵimaratyna kóterilip, Dýbai Marina jaǵalaýynda serýendeý jáne Dýbaidyń 3 nemese 4 juldyzdy qalalyq qonaq úiinde turý arqyly Bastakiianyń Tarihi kvartalyn zertteýge bolady. Jai ǵana jaǵajai demalysyn armandaityndar Adjman, Fýdjeira, Ras-El-Haima siiaqty kýrorttarǵa nazar aýdarýy kerek.
