فوتو: onetwotrip.com
جاز مەزگٸلٸنٸڭ كەلۋٸنە از عانا ۋاقىت قالدى. بيىل جازعى دەمالىستاردا قاي ەلگە قىدىرىپ باراتىنىڭىزدى بٸلمەي وتىرساڭىز جەنە سٸزدٸڭ بيۋدجەتٸڭٸز شەكتەۋلٸ بولسا, ult.kz تٸلشٸسٸ قازاقستان حالقى ٷشٸن تيٸمدٸ ەلدەردٸڭ تٸزٸمٸن جاساپ كٶردٸ.
ساياحاتتاۋ, جاڭا ەلمەن, جاڭا مەدەنيەتپەن تانىسۋ, تاڭسىق استان دەم تاتۋ سٶزسٸز ەرەكشە ەسەر سىيلاپ, جۇمىسباستى ادامداردىڭ ٸشكٸ كٷيٸن رەتتەپ, شابىتىنا دەم بەرەرٸ سٶزسٸز. سوندىقتان, ەڭبەك ەتٸپ وتىرعان ەر بٸر ادام ساياحات بەرەتٸن ەدەمٸ كٷيدٸ كەشۋگە لايىق.
فوتو: اشىق دەرەككٶزدەن
ەگيپەت
كٶپ قاراجاتتى تالاپ ەتپەيتٸن, بٸراق تەرەڭ تاريحى مەن ەرەكشە تابيعاتى ٶزٸن سٷيسٸندٸرە الاتىن, قازاقتارعا جات مەدەنيەتٸمەن تاڭقالدىراتىن ەل - ەگيپەت. شٶل دالا, پيراميدالار, قىزىل تەڭٸزدٸڭ سۋاستى ەلەمٸ عاجايىپ ەستەن كەتپەس كٷي سىيلارى سٶزسٸز. شارم-ەل-شەيح, حۋرگادا جەنە مارسا-ەل-الام قوناقٷيلەرٸندە بارلىق قىزمەت ٸشٸنە كٸرەتٸن قوناقٷيلەر كٶپ. ول ەسٸرەسە تاماققا اقشا جۇمساۋ تۋرالى ويلانباي, ەركٸن دەمالۋعا مٷمكٸندٸك بەرەدٸ.
ەگيپەتتە ەكسكۋرسييالىق باعدارلامالار ٶتە مازمۇندى جەنە قىزىقتى. ساياحاتشىلار گيزا پيراميدالارىنا, كاير مەن لۋكسورعا بارىپ, ەجەلگٸ عاجايىپتاردى ٶز كٶزدەرٸمەن كٶرٸپ جاتادى. ەگيپەتتەگٸ سۋ استى ەلەمٸن تەك سٷڭگۋٸرلەر عانا ەمەس, كەز كەلگەن ادامعا ەگيپەتتٸكتەر مٷمكٸندٸك جاساپ وتىر. ەڭ تانىمال جەنە ارزان ەكسكۋرسييالاردىڭ بٸرٸ — تٷبٸ ەينەك قايىقپەن سٷڭگۋ جەنە سيناي شٶلٸندەگٸ دجيپ-سافاري دەۋگە بولادى.
فوتو:journal.tinkoff.ru
ۆەتنام
سوڭعى جىلدارى ۆەتنام قازاقستاندىقتارى كٶبٸرەك قىزىقتىراتىن تۋريستٸك ەلگە اينالىپ وتىر. سونىڭ بٸر سەبەبٸ, دەمالىستىڭ قۇنى بولسا, ەكٸنشٸدەن جايلى كليماتى مەن تاڭعاجايىپ اق قۇمدى جاعاجاي دەمالىسى. وڭتٷستٸك قىتاي جاعالاۋىنداعى شىعىس ەلٸ ٶزٸنٸڭ ەرەكشە مەدەنيەتٸمەن, بۋددا پاگودالارىمەن, دەمدٸ تاعامدارىمەن دە سٸزدٸ تەنتٸ ەتەرٸ سٶزسٸز.
ۆەتنامنىڭ تەڭٸز جاعالاۋىنداعى نحا ترانگ, فانتەت جەنە مۋينە كۋرورتتارى كٶكتەم-جاز ايلارىندا قىزادى. كٷزدە جاڭبىرلى ماۋسىمعا بايلانىستى تۋريستەر سيرەيدٸ. بۇل ۋاقىتتا قوناقٷيلەردٸڭ باعاسى شىعىس ازييا ەلدەرٸندە ٷلكەن مەرەكە - 15 كٷن تويلاناتىن قىتاي جاڭا جىلىنا دەيٸن تٶمەن بولىپ تۇرادى.
ۆەتنامدا قىزىقتى ەكسكۋرسييالاردى ۇزاق ٸزدەۋدٸڭ قاجەتٸ جوق. ناگار مەن لونگشون پاگوداسىنداعى عيباداتحانا مۇنارالارىمەن تانىسقاننان كەيٸن, يانگ بەي ەكوپاركٸنە نەمەسە با حو سارقىرامالارىنا ساياحات جاساساڭىز بولادى.
فوتو: gotur.kz
اراب ەمٸرلٸكتەرٸ
باە قازاقستاندىق اۋقاتتى ادامداردىڭ ەكٸنشٸ ٷيٸنە اينالعانى ەل اراسىندا كٶپ ايتىلادى. ال قاراجاتى شەكتەۋلٸ ادام ٷشٸن بۇل اراب ەلٸ قىسقا ۋاقىتقا دەمالىپ قايتۋعا تاماشا مٷمكٸندٸك جاساپ قويعان. باە-نە ساياحاتتاۋدىڭ بٸر ارتىقشىلىعى - ۇشاقتىڭ تٸكەلەي رەيستەرٸ دەۋگە بولادى.
زەۋلٸم بۋردج حاليفا عيماراتىنا كٶتەرٸلٸپ, دۋباي مارينا جاعالاۋىندا سەرۋەندەۋ جەنە دۋبايدىڭ 3 نەمەسە 4 جۇلدىزدى قالالىق قوناق ٷيٸندە تۇرۋ ارقىلى باستاكييانىڭ تاريحي كۆارتالىن زەرتتەۋگە بولادى. جاي عانا جاعاجاي دەمالىسىن ارماندايتىندار ادجمان, فۋدجەيرا, راس-ەل-حايما سيياقتى كۋرورتتارعا نازار اۋدارۋى كەرەك.
