Óńirlerdegi sý tasqyny jaǵdaiyna bailanysty ahýal qandai ekenin QR Tótenshe Jaǵdailar Ministrligi ókili Asqar Shárip Astanada ótken brifingte baiandady dep habarlaidy "Ult Aqparat".
"Atyraý oblysynda Jaiyq ózeni sý deńgeiine monitoring jalǵastyrylýda. Sý tasqyny jaǵdaiynyń monitoringi dronnyń kómegimen júzege asyrylady.Bógetterdi nyǵaitý jumystary júrgizilip jatyr. Ótken táýlikte Inder, Mahambet, Isatai, Qurmanǵazy aýdandarynda 500-den astam km bógen salyndy. Qulsary qalasynda sý basqan aýmaqtan jyljymaly sorǵy stantsiiasy men motopompa kómegimen 207 myńnan astam tekshe metr sý soryldy", -dep otyr maman.
Jalpy Respýblika boiynsha 38 521 adam óz úilerine oraldy. 6 726 adam evakýatsiialaý pýnktterinde. Sý tasqyny bastaǵaly beri 12,9 mln astam tekshe metr erigen qar sýy soryp shyǵaryldy, 7 mln astam qapshyq jáne 1,5 mln astam tonna inertti material tóseldi. Avariialyq-qutqarý jáne sý tasqynyna qarsy jumystarǵa 20 myńnan astam adam, 2 772 tehnika, 335 sý sorý quraly jáne 249 júzý quraly, 7 áýe kemesi jumyldyryldy.
Buǵan deiin Almaty qalasynan, Qaraǵandy oblysynan Batys jáne Soltústik Qazaqstan oblystaryna kómekke barǵan qorǵanys ministrligi kúshteri men quraldarynyń bir bóligi turaqty ornalasý oryndaryna qaitarylýda.
Qorǵanys ministrliginiń áskeri bóliminiń kúshteri Aqtóbe oblysynda jalpy aýdany 403 gektar sý basqan aýmaqtarda dezenfektsiialaý júrgizildi.
