Foto: JI ministrligi
Astanada ótip jatqan Digital Bridge 2025 forýmy aiasynda «Digital Regions: IT-innovatsiianyń jańa ortalyqtary» paneldik sessiiasy ótti, dep habarlaidy Ult.kz.
Onda Batys Qazaqstan oblysy ákimdigi apparatynyń basshysy Oraz Nurdildá óńirde jasandy intellekt salasynda atqarylyp jatqan jumystar týraly baiandady.
«Jahandaný men tsifrlyq transformatsiia jaǵdaiynda halyqaralyq kompaniialarmen, investorlarmen, platformalarmen jáne bilim berý ekojúielerimen tiimdi áriptestik ornatý óte mańyzdy. Mundai tájiribe jergilikti quzyretterdi kúsheitip, resýrstarǵa qol jetkizýge jol ashady ári eldiń álemdik arenada senimdi seriktes retindegi imidjin qalyptastyrady dep esepteimin. Osy baǵytta bizdiń óńirde Netcracker kompaniiasy jumys istei bastady. Bul - bailanys qyzmetin jetkizýshilerge arnalǵan baǵdarlamalyq qamtamasyz etý ázirleitin halyqaralyq kompaniia. 30 jyldan astam tarihy bar kompaniianyń bas keńsesi AQSh-tyń Massachýsets shtatynda ornalasqan. Qazaqstanda Netcracker 2022 jyldan beri Almaty jáne Oral qalalarynda jumys isteidi», - dedi ol.
Kompaniia Qazaqstandaǵy IT-eksporty boiynsha TOP-3-ke kiredi, sondai-aq «Astana Hub» halyqaralyq korporativtik qorynyń qatysýshysy. Oral qalasynda júzdegen joǵary tehnologiialyq jumys oryndary qurylyp, jas mamandar úshin qolaily jaǵdai jasaldy. Sońǵy úsh jylda Jáńgir han atyndaǵy BQATÝ-dyń 100 stýdenti osy kompaniiada tájiribeden ótip, onyń 10-y turaqty jumysqa ornalasty.
Sonymen qatar, joǵary oqý oryndarymen birlesken baǵdarlamalar júzege asyrylýda, investorlardyń qajettilikterine sai kadrlar daiarlanýda. Biznes ókilderimen tikelei dialog uiymdastyrylyp, turaqty kezdesýler men IT-kásipkerlik jónindegi keńester ótkizilip keledi.
Oraz Nurdildá óńirdiń tsifrlandyrý salasyndaǵy jobalaryna da toqtaldy:
- - «ikomek109» biryńǵai call-ortalyǵy - turǵyndar men qonaqtarǵa táýlik boiy kommýnaldyq máseleler boiynsha habarlasýǵa múmkindik beredi.
- - Qoǵamdyq kólikte elektrondy tólem júiesi - turǵyndarǵa yńǵaily, al memleket úshin ashyqtyqty qamtamasyz etti.
- - 40 jyldamdyq ólshegish qurylǵysy - bir jyl ishinde 127 837 ereje buzýshylyqty tirkedi. Qurylǵylar ornatylǵan jerlerde jol-kólik oqiǵalary tirkelmegen.
«Bul mysaldar tsifrlyq jobalardyń tiimdiligin kórsetedi. Oral qalasy Smart City jobalaryn iske asyrý boiynsha respýblikadaǵy úzdik 5 qalanyń qataryna kiredi», - dep atap ótti ol.
Aita keteiik, sońǵy segiz jylda Qazaqstan bilim, akseleratsiia, salyqtyq yntalandyrý, institýtsionaldyq orta jáne halyqaralyq infraqurylymdy biriktire otyryp, óńirdegi eń serpindi startap-ekojúielerdiń birin qalyptastyrdy. Búginde elde aýqymdy bilim berý baǵdarlamalarynan jáne akseleratorlardan bastap venchýrlik quraldar men halyqaralyq habtar jelisine deiin ósýge qajetti keshendi baza bar.
Astana Hub-qa 1700-den astam, onyń ishinde sheteldik qatysýmen 450-den astam IT-kompaniia tirkelgen. Kampýsta 200 myń sharshy metr keńseler, zerthanalar men kovorkingter, 250-den astam jumys alańy jáne 100 oryndyq koliving syndy biregei infraqurylym qurylǵan. Munda 1300-den astam kompaniia jumys istep, innovatsiialar men yntymaqtastyqtyń eksponentsialdy klasterin qalyptastyrýda.
Qazaqstandyq startaptar qazirdiń ózinde áserli nátijeler kórsetýde: eksport kólemin ulǵaityp, ondaǵan million dollar investitsiia tartyp, jahandyq alańdarda ózderin tanytyp júr. Jasandy intellekt ministrliginiń josparyna sáikes, 2030 jylǵa qarai elde keminde bes «jalǵyzmúiiz» mártebesin alǵan kompaniia paida bolýy tiis.
Esterińizge sala keteiik, is-shara Generative Nation tujyrymdamasy aiasynda uiymdastyrylyp otyr. Bul – Qazaqstannyń jańa tehnologiialarǵa negizdelgen bilimdi qoǵam qurýǵa jáne adam kapitalyn damytýǵa baǵyttalǵan strategiialyq ustanymynyń aiǵaǵy.
