فوتو: جي مينيسترلٸگٸ
استانادا ٶتٸپ جاتقان Digital Bridge 2025 فورۋمى اياسىندا «Digital Regions: IT-يننوۆاتسييانىڭ جاڭا ورتالىقتارى» پانەلدٸك سەسسيياسى ٶتتٸ, دەپ حابارلايدى Ult.kz.
وندا باتىس قازاقستان وبلىسى ەكٸمدٸگٸ اپپاراتىنىڭ باسشىسى وراز نۇردٸلدە ٶڭٸردە جاساندى ينتەللەكت سالاسىندا اتقارىلىپ جاتقان جۇمىستار تۋرالى باياندادى.
«جاھاندانۋ مەن تسيفرلىق ترانسفورماتسييا جاعدايىندا حالىقارالىق كومپانييالارمەن, ينۆەستورلارمەن, پلاتفورمالارمەن جەنە بٸلٸم بەرۋ ەكوجٷيەلەرٸمەن تيٸمدٸ ەرٸپتەستٸك ورناتۋ ٶتە ماڭىزدى. مۇنداي تەجٸريبە جەرگٸلٸكتٸ قۇزىرەتتەردٸ كٷشەيتٸپ, رەسۋرستارعا قول جەتكٸزۋگە جول اشادى ەرٸ ەلدٸڭ ەلەمدٸك ارەنادا سەنٸمدٸ سەرٸكتەس رەتٸندەگٸ يميدجٸن قالىپتاستىرادى دەپ ەسەپتەيمٸن. وسى باعىتتا بٸزدٸڭ ٶڭٸردە Netcracker كومپانيياسى جۇمىس ٸستەي باستادى. بۇل - بايلانىس قىزمەتٸن جەتكٸزۋشٸلەرگە ارنالعان باعدارلامالىق قامتاماسىز ەتۋ ەزٸرلەيتٸن حالىقارالىق كومپانييا. 30 جىلدان استام تاريحى بار كومپانييانىڭ باس كەڭسەسٸ اقش-تىڭ ماسساچۋسەتس شتاتىندا ورنالاسقان. قازاقستاندا Netcracker 2022 جىلدان بەرٸ الماتى جەنە ورال قالالارىندا جۇمىس ٸستەيدٸ», - دەدٸ ول.
كومپانييا قازاقستانداعى ٸت-ەكسپورتى بويىنشا توپ-3-كە كٸرەدٸ, سونداي-اق «Astana Hub» حالىقارالىق كورپوراتيۆتٸك قورىنىڭ قاتىسۋشىسى. ورال قالاسىندا جٷزدەگەن جوعارى تەحنولوگييالىق جۇمىس ورىندارى قۇرىلىپ, جاس ماماندار ٷشٸن قولايلى جاعداي جاسالدى. سوڭعى ٷش جىلدا جەڭگٸر حان اتىنداعى بقاتۋ-دىڭ 100 ستۋدەنتٸ وسى كومپانييادا تەجٸريبەدەن ٶتٸپ, ونىڭ 10-ى تۇراقتى جۇمىسقا ورنالاستى.
سونىمەن قاتار, جوعارى وقۋ ورىندارىمەن بٸرلەسكەن باعدارلامالار جٷزەگە اسىرىلۋدا, ينۆەستورلاردىڭ قاجەتتٸلٸكتەرٸنە ساي كادرلار دايارلانۋدا. بيزنەس ٶكٸلدەرٸمەن تٸكەلەي ديالوگ ۇيىمداستىرىلىپ, تۇراقتى كەزدەسۋلەر مەن ٸت-كەسٸپكەرلٸك جٶنٸندەگٸ كەڭەستەر ٶتكٸزٸلٸپ كەلەدٸ.
وراز نۇردٸلدە ٶڭٸردٸڭ تسيفرلاندىرۋ سالاسىنداعى جوبالارىنا دا توقتالدى:
- - «ikomek109» بٸرىڭعاي call-ورتالىعى - تۇرعىندار مەن قوناقتارعا تەۋلٸك بويى كوممۋنالدىق مەسەلەلەر بويىنشا حابارلاسۋعا مٷمكٸندٸك بەرەدٸ.
- - قوعامدىق كٶلٸكتە ەلەكتروندى تٶلەم جٷيەسٸ - تۇرعىندارعا ىڭعايلى, ال مەملەكەت ٷشٸن اشىقتىقتى قامتاماسىز ەتتٸ.
- - 40 جىلدامدىق ٶلشەگٸش قۇرىلعىسى - بٸر جىل ٸشٸندە 127 837 ەرەجە بۇزۋشىلىقتى تٸركەدٸ. قۇرىلعىلار ورناتىلعان جەرلەردە جول-كٶلٸك وقيعالارى تٸركەلمەگەن.
«بۇل مىسالدار تسيفرلىق جوبالاردىڭ تيٸمدٸلٸگٸن كٶرسەتەدٸ. ورال قالاسى Smart City جوبالارىن ٸسكە اسىرۋ بويىنشا رەسپۋبليكاداعى ٷزدٸك 5 قالانىڭ قاتارىنا كٸرەدٸ», - دەپ اتاپ ٶتتٸ ول.
ايتا كەتەيٸك, سوڭعى سەگٸز جىلدا قازاقستان بٸلٸم, اكسەلەراتسييا, سالىقتىق ىنتالاندىرۋ, ينستيتۋتسيونالدىق ورتا جەنە حالىقارالىق ينفراقۇرىلىمدى بٸرٸكتٸرە وتىرىپ, ٶڭٸردەگٸ ەڭ سەرپٸندٸ ستارتاپ-ەكوجٷيەلەردٸڭ بٸرٸن قالىپتاستىردى. بٷگٸندە ەلدە اۋقىمدى بٸلٸم بەرۋ باعدارلامالارىنان جەنە اكسەلەراتورلاردان باستاپ ۆەنچۋرلٸك قۇرالدار مەن حالىقارالىق حابتار جەلٸسٸنە دەيٸن ٶسۋگە قاجەتتٸ كەشەندٸ بازا بار.
Astana Hub-قا 1700-دەن استام, ونىڭ ٸشٸندە شەتەلدٸك قاتىسۋمەن 450-دەن استام IT-كومپانييا تٸركەلگەن. كامپۋستا 200 مىڭ شارشى مەتر كەڭسەلەر, زەرتحانالار مەن كوۆوركينگتەر, 250-دەن استام جۇمىس الاڭى جەنە 100 ورىندىق كوليۆينگ سىندى بٸرەگەي ينفراقۇرىلىم قۇرىلعان. مۇندا 1300-دەن استام كومپانييا جۇمىس ٸستەپ, يننوۆاتسييالار مەن ىنتىماقتاستىقتىڭ ەكسپونەنتسيالدى كلاستەرٸن قالىپتاستىرۋدا.
قازاقستاندىق ستارتاپتار قازٸردٸڭ ٶزٸندە ەسەرلٸ نەتيجەلەر كٶرسەتۋدە: ەكسپورت كٶلەمٸن ۇلعايتىپ, ونداعان ميلليون دوللار ينۆەستيتسييا تارتىپ, جاھاندىق الاڭداردا ٶزدەرٸن تانىتىپ جٷر. جاساندى ينتەللەكت مينيسترلٸگٸنٸڭ جوسپارىنا سەيكەس, 2030 جىلعا قاراي ەلدە كەمٸندە بەس «جالعىزمٷيٸز» مەرتەبەسٸن العان كومپانييا پايدا بولۋى تيٸس.
ەستەرٸڭٸزگە سالا كەتەيٸك, ٸس-شارا Generative Nation تۇجىرىمداماسى اياسىندا ۇيىمداستىرىلىپ وتىر. بۇل – قازاقستاننىڭ جاڭا تەحنولوگييالارعا نەگٸزدەلگەن بٸلٸمدٸ قوعام قۇرۋعا جەنە ادام كاپيتالىن دامىتۋعا باعىتتالعان ستراتەگييالىق ۇستانىمىنىڭ ايعاعى.
