Jaiyq ózeniniń jaǵdaiy Qazaqstan men Resei shekaralyq yntymaqtastyq forýmynda keńinen talqylanady, dep habarlaidy "Ult aqparat" Ekologiia, geologiia jáne tabiǵi resýrstar ministrligine silteme jasap.
Qarasha aiynda Kókshetaý qalasynda Qazaqstan men Resei elderi shekaralyq áriptestigi forýmy ótedi. Jiynda negizgi basymdyq Jaiyq ózeniniń jaǵdaiyn talqylaýǵa beriledi.
Bul týraly Ekologiia, geologiia jáne tabiǵi resýrstar ministri Maǵzum Myrzaǵaliev Batys Qazaqstan oblysy jurtshylyǵymen bolǵan onlain-kezdesýde málimdedi.
«Bizdiń ministrliktiń bastamasymen osy jyly qarashada Kókshetaýda ótetin shekaralyq áriptestik forýmynda basymdyq Jaiyq ózeniniń jaǵdaiyna, Jaiyq ózenindegi problemalarǵa beriledi. Biz Resei Federatsiiasyna birneshe ret baryp, bul máselelerdi kótergenbiz», - dedi M.Myrzaǵaliev.
Onlain-kezdesýge qatysqan Ekologiia ministrligi shekaralyq ózender departamentiniń direktory Áliia Shalabekova ózende gidrologiialyq zertteý júrgizý týraly kelisimge qol jetkizilgenin aitty. Atalǵan zertteýde gidrotehnikalyq ǵimarattardyń ózenge áseri de eskeriledi.
Zoom-júzdesý barysynda Batys Qazaqstan oblysy turǵyndary ministrlik ókilderimen óńirdegi ekologiialyq problemalardy sheshýge arnalǵan Jol kartasy jobasyn da talqylady. Jospar ekologiiany jaqsartýǵa negizdelgen jiyrmaǵa jýyq is-sharadan turady.
Onyń ishinde memlekettik orman qoryndaǵy jasyl alqaptar aýmaǵyn 2025 jylǵa deiin 782 gektardan 1200 gektarǵa jetkizý, jolaýshylar kóliginde dizel otynyn paidalanýǵa tyiym salý, óndiriske qaldyqtar monitoringiniń avtomattandyrylǵan júiesin engizý jáne taǵy basqa atqarylatyn jumystar bar.
Jol kartasy halyqtyń usynystary eskerilip, eki apta ishinde daiyndalyp bitedi.
