Foto: Qazaqstan premer-ministriniń baspasóz qyzmeti
Atyraý oblysynda Jaiyq ózenindegi sýdyń kóterilýine jáne Irekli sý qoimasynan keletin sýdyń artýyna bailanysty jaǵalaýdy nyǵaitý jumystary jalǵasýda, dep habarlaidy «Ult aqparat» Sputnik Qazaqstanǵa silteme jasap.
"Búginde Jaiyq ózeniniń boiynda uzyndyǵy 520 km-niń 473 km qorǵanys bógeti salyndy, 22 sáýirdegi jaǵdai boiynsha 15 myńnan astam adam, 1,5 birlik tehnika jumysqa tartyldy. Jumystar Inder, Mahambet, Isatai aýdandarynda jáne Atyraý qalasynda júrgizilýde", - dedi Atyraý oblysy ákiminiń baspasóz hatshysy Rýslan Jumaǵaziev OKQ alańynda ótken brifingte.
Sonymen qatar, Jaiyq ózeni sýynyń Kaspii teńizine quiylýyn jedeldetý maqsatynda sý túbin tereńdetý jumystary jalǵasyp jatyr. Sý túbin tazartý jáne keńeitý jumystaryna 5 arnaiy tehnika jumyldyryldy.
Jylyoi aýdanynyń Qulsary qalasynda sońǵy táýlikte 16 úide elektrmen, 300 úide gazben jabdyqtaý qalpyna keltirildi, dezinfektsiialyq jumystar jalǵasýda. Ótken táýlikte 80-nen astam úide dezinfektsiialaý júrgizildi.
Birjolǵy materialdyq kómek alýǵa 3398 ótinish qabyldandy. Tólemder 3201 otbasyna berildi. Zalaldy baǵalaý jáne tóleý jónindegi komissiia jumysyn jalǵastyrýda. 2272 turǵynnan ótinishter qabyldandy.
