Jaiyq ózenindegi ótken jyldyń jeltoqsanynda bolǵan balyqtardyń jappai qyrylýyna bailanysty jii qoiylǵan saýaldarǵa jaýap berilgen videorolik jariialandy, dep habarlaidy "Ult aqparat" Atyraý oblysy ákiminiń baspasóz qyzmetine silteme jasap.
Jaiyq ózenindegi balyq ólimine bailanysty jii qoiylǵan 10 saýal
1. Balyq qashannan bastap qyryldy?
Balyq qyrylýynyń alǵashqy deregi 2 jeltoqsan 2018 jyly tirkelip, 2018 jyldyń 9 jeltoqsanyna deiin jalǵasty.
2. Qazir balyq ólip jatyr ma?
Joq, qazir balyq ólip jatqan joq. Jańa aýlanǵan balyq arasynda óli balyq bolmady.
3. Balyq nege qazir qalqyp shyǵyp jatyr?
Jeltoqsanda ólgen balyq muzǵa jabysyp qalǵan, jylylyq túskesin qalqyp shyǵa bastady.
4. Balyq óleksesin jinaýmen kim ainalysady jáne búginge deiin qansha tonna balyq qyryldy?
Búgingi esep boiynsha jalpy alǵanda 108 tonna balyq jinaldy. Onyń 103 tonnasy eki bekire ósirý zaýytynan, qalǵan 5 tonnasy Jaiyq ózeninen.
5. Jaiyq ózeninen sý synamalary qanshalyqty jii alynady jáne qandai synamalar?
Qoǵamdyq densaýlyq saqtaý departamenti, ekologiia departamenti, "Qazgidromet" mekemesi aptasyna eki ret sý synamasyn alyp otyr. Sý kórsetkishteri normaǵa sai jáne turǵyndar men ózen faýnasyna qaýip týdyrmaidy.
6. Balyq satý núktelerin kim jáne qalai qadaǵalaidy?
Politsiia men veterinarlyq qyzmet saýda núktelerin baqylaýda ustap otyr. Balyq tek tiisti qujattarmen satylady, bazarlardan satyp alǵan balyǵynyń sapasyn teksergisi kelgen ár adamǵa veterinarlyq zerthana tegin qyzmet kórsetedi.
7. Ózen óli balyqtardan qalai tazartylady?
Tazartý jumystaryna "Arnaýly avtobaza" JShS, oblystyq orman sharýashylyǵy jáne janýarlar dúniesi aýmaqtyq inspektsiiasynyń qyzmetkerleri, eriktiler tartylǵan. Jaqyn kúnderi, ózendegi muz tolyq erigesin, sý aidynyn tazartýmen arnaiy jabdyqtary bar balyq aýlaityn kooperativteri ainalysady.
8. Ózen balyq popýliatsiiasyn ózdiginen qalpyna keltire ala ma?
Mamandardyń aitýynsha, Jaiyq pen Qiǵash ózenderiniń arnalary arqyly kóktemgi, jazǵy ýaqytta balyqtar ýyldyryq shashady, ol tabiǵi popýliatsiianyń qalpyna kelýine múmkindik beredi.
9. Balyqtyń osylai qyrylý oqiǵasy buǵan deiin boldy ma?
Jaiyq ózeninde mundai jaǵdai ótken ǵasyrdyń 80 jyldary bolǵan, ol kezde anyqtalmaǵan zattardyń ózenge quiylýy balyq ólimine soqtyrǵan. Sondai-aq qalyń muz ben qardyń saldarynan balyq qyrylǵan. Ózen kóktemgi ýyldyryq shashý kezinde balyq popýliatsiiasyn qalpyna keltirgen.
10. Oqiǵaǵa kináli kim ekeni qashan aitylady jáne zalaldy kim óteidi?
Balyq qyrylý deregi boiynsha eki qylmystyq is qozǵaldy. Qazir tergeý-tekserý jumystary júrýde, kináliler anyqtalatyn bolady. Politsiia qyzmetkerleri men veterinarlar balyq ónimderin satý núktelerin qadaǵalaýda ustap otyr. Balyqtan, sýdan ýlaný derekteri tirkelgen joq.
