جايىق ٶزەنٸندەگٸ ٶتكەن جىلدىڭ جەلتوقسانىندا بولعان بالىقتاردىڭ جاپپاي قىرىلۋىنا بايلانىستى جيٸ قويىلعان ساۋالدارعا جاۋاپ بەرٸلگەن ۆيدەوروليك جارييالاندى, دەپ حابارلايدى "ۇلت اقپارات" اتىراۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
جايىق ٶزەنٸندەگٸ بالىق ٶلٸمٸنە بايلانىستى جيٸ قويىلعان 10 ساۋال
1. بالىق قاشاننان باستاپ قىرىلدى?
بالىق قىرىلۋىنىڭ العاشقى دەرەگٸ 2 جەلتوقسان 2018 جىلى تٸركەلٸپ, 2018 جىلدىڭ 9 جەلتوقسانىنا دەيٸن جالعاستى.
2. قازٸر بالىق ٶلٸپ جاتىر ما?
جوق, قازٸر بالىق ٶلٸپ جاتقان جوق. جاڭا اۋلانعان بالىق اراسىندا ٶلٸ بالىق بولمادى.
3. بالىق نەگە قازٸر قالقىپ شىعىپ جاتىر?
جەلتوقساندا ٶلگەن بالىق مۇزعا جابىسىپ قالعان, جىلىلىق تٷسكەسٸن قالقىپ شىعا باستادى.
4. بالىق ٶلەكسەسٸن جيناۋمەن كٸم اينالىسادى جەنە بٷگٸنگە دەيٸن قانشا توننا بالىق قىرىلدى?
بٷگٸنگٸ ەسەپ بويىنشا جالپى العاندا 108 توننا بالىق جينالدى. ونىڭ 103 تونناسى ەكٸ بەكٸرە ٶسٸرۋ زاۋىتىنان, قالعان 5 تونناسى جايىق ٶزەنٸنەن.
5. جايىق ٶزەنٸنەن سۋ سىنامالارى قانشالىقتى جيٸ الىنادى جەنە قانداي سىنامالار?
قوعامدىق دەنساۋلىق ساقتاۋ دەپارتامەنتٸ, ەكولوگييا دەپارتامەنتٸ, "قازگيدرومەت" مەكەمەسٸ اپتاسىنا ەكٸ رەت سۋ سىناماسىن الىپ وتىر. سۋ كٶرسەتكٸشتەرٸ نورماعا ساي جەنە تۇرعىندار مەن ٶزەن فاۋناسىنا قاۋٸپ تۋدىرمايدى.
6. بالىق ساتۋ نٷكتەلەرٸن كٸم جەنە قالاي قاداعالايدى?
پوليتسييا مەن ۆەتەرينارلىق قىزمەت ساۋدا نٷكتەلەرٸن باقىلاۋدا ۇستاپ وتىر. بالىق تەك تيٸستٸ قۇجاتتارمەن ساتىلادى, بازارلاردان ساتىپ العان بالىعىنىڭ ساپاسىن تەكسەرگٸسٸ كەلگەن ەر ادامعا ۆەتەرينارلىق زەرتحانا تەگٸن قىزمەت كٶرسەتەدٸ.
7. ٶزەن ٶلٸ بالىقتاردان قالاي تازارتىلادى?
تازارتۋ جۇمىستارىنا "ارناۋلى اۆتوبازا" جشس, وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسىنىڭ قىزمەتكەرلەرٸ, ەرٸكتٸلەر تارتىلعان. جاقىن كٷندەرٸ, ٶزەندەگٸ مۇز تولىق ەرٸگەسٸن, سۋ ايدىنىن تازارتۋمەن ارنايى جابدىقتارى بار بالىق اۋلايتىن كووپەراتيۆتەرٸ اينالىسادى.
8. ٶزەن بالىق پوپۋلياتسيياسىن ٶزدٸگٸنەن قالپىنا كەلتٸرە الا ما?
مامانداردىڭ ايتۋىنشا, جايىق پەن قيعاش ٶزەندەرٸنٸڭ ارنالارى ارقىلى كٶكتەمگٸ, جازعى ۋاقىتتا بالىقتار ۋىلدىرىق شاشادى, ول تابيعي پوپۋلياتسييانىڭ قالپىنا كەلۋٸنە مٷمكٸندٸك بەرەدٸ.
9. بالىقتىڭ وسىلاي قىرىلۋ وقيعاسى بۇعان دەيٸن بولدى ما?
جايىق ٶزەنٸندە مۇنداي جاعداي ٶتكەن عاسىردىڭ 80 جىلدارى بولعان, ول كەزدە انىقتالماعان زاتتاردىڭ ٶزەنگە قۇيىلۋى بالىق ٶلٸمٸنە سوقتىرعان. سونداي-اق قالىڭ مۇز بەن قاردىڭ سالدارىنان بالىق قىرىلعان. ٶزەن كٶكتەمگٸ ۋىلدىرىق شاشۋ كەزٸندە بالىق پوپۋلياتسيياسىن قالپىنا كەلتٸرگەن.
10. وقيعاعا كٸنەلٸ كٸم ەكەنٸ قاشان ايتىلادى جەنە زالالدى كٸم ٶتەيدٸ?
بالىق قىرىلۋ دەرەگٸ بويىنشا ەكٸ قىلمىستىق ٸس قوزعالدى. قازٸر تەرگەۋ-تەكسەرۋ جۇمىستارى جٷرۋدە, كٸنەلٸلەر انىقتالاتىن بولادى. پوليتسييا قىزمەتكەرلەرٸ مەن ۆەتەرينارلار بالىق ٶنٸمدەرٸن ساتۋ نٷكتەلەرٸن قاداعالاۋدا ۇستاپ وتىر. بالىقتان, سۋدان ۋلانۋ دەرەكتەرٸ تٸركەلگەن جوق.
