Sońǵy jyldary Jaiyq (Oral) ózeni sýynyń azaiýyna bailanysty onyń ekologiialyq jaǵdaiy erekshe alańdaýshylyq týdyryp otyr, dep habarlaidy "Ult aqparat" Ekologiia, geologiia jáne tabiǵi resýrstar ministrliginiń baspasóz qyzmetine silteme jasap.
Ótken ǵasyrdyń 70-jyldarynan bastap Jaiyq ózenindegi sý aǵynynyń kólemi birtindep azaiyp keledi. Munyń birneshe sebepteri bar. Birinshiden, bul Jaiyq ózeniniń basseininde az sýly kezeń tsikliniń bastalýyna bailanysty. Bul - ózenderdegi sý deńgeiiniń tómendeýi artýyna, basseindegi aǵyndy retteýge, jerdi jyrtýǵa jáne ormandy kesýge bailanysty ózenniń gidrografiialyq jelisiniń nasharlaýyna áser etetin klimattyq faktorlar.
«Jaiyq ózeni basseinindegi sý jaǵdaiyn jaqsartý boiynsha sharalar qabyldaý úshin Resei tarapymen Jaiyq ózeniniń gidrologiialyq rejimine birlesken zertteýler júrgizý týraly ýaǵdalastyqqa qol jetkizildi. Osy maqsatta 2020 jylǵy qazanda iri ózender basseinderinde (Jaiyq, Ertis jáne basqalary) zertteýler júrgizý boiynsha yntymaqtastyqty jandandyrýdyń Biryńǵai jol kartasy jáne onyń tarmaqtarynyń oryndalý merzimderi men olardy uiymdastyrý nysandaryn naqtylaýmen is-sharalardy iske asyrýdyń jumys kestesi bekitildi.
Qazirgi ýaqytta qazaqstandyq jáne reseilik sarapshylar biryńǵai Jol kartasyn júzege asyrýǵa kiristi.
Biryńǵai Jol kartasynyń is-sharalaryn iske asyrý nátijesinde Jaiyq ózeniniń gidrologiialyq rejimin jáne ekologiialyq jaǵdaiyn jaqsartýǵa baǵyttalǵan birlesken sharalar qabyldanatyn bolady», - delingen habarlamada.
