سوڭعى جىلدارى جايىق (ورال) ٶزەنٸ سۋىنىڭ ازايۋىنا بايلانىستى ونىڭ ەكولوگييالىق جاعدايى ەرەكشە الاڭداۋشىلىق تۋدىرىپ وتىر, دەپ حابارلايدى "ۇلت اقپارات" ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ٶتكەن عاسىردىڭ 70-جىلدارىنان باستاپ جايىق ٶزەنٸندەگٸ سۋ اعىنىنىڭ كٶلەمٸ بٸرتٸندەپ ازايىپ كەلەدٸ. مۇنىڭ بٸرنەشە سەبەپتەرٸ بار. بٸرٸنشٸدەن, بۇل جايىق ٶزەنٸنٸڭ باسسەينٸندە از سۋلى كەزەڭ تسيكلٸنٸڭ باستالۋىنا بايلانىستى. بۇل - ٶزەندەردەگٸ سۋ دەڭگەيٸنٸڭ تٶمەندەۋٸ ارتۋىنا, باسسەيندەگٸ اعىندى رەتتەۋگە, جەردٸ جىرتۋعا جەنە ورماندى كەسۋگە بايلانىستى ٶزەننٸڭ گيدروگرافييالىق جەلٸسٸنٸڭ ناشارلاۋىنا ەسەر ەتەتٸن كليماتتىق فاكتورلار.
«جايىق ٶزەنٸ باسسەينٸندەگٸ سۋ جاعدايىن جاقسارتۋ بويىنشا شارالار قابىلداۋ ٷشٸن رەسەي تاراپىمەن جايىق ٶزەنٸنٸڭ گيدرولوگييالىق رەجيمٸنە بٸرلەسكەن زەرتتەۋلەر جٷرگٸزۋ تۋرالى ۋاعدالاستىققا قول جەتكٸزٸلدٸ. وسى ماقساتتا 2020 جىلعى قازاندا ٸرٸ ٶزەندەر باسسەيندەرٸندە (جايىق, ەرتٸس جەنە باسقالارى) زەرتتەۋلەر جٷرگٸزۋ بويىنشا ىنتىماقتاستىقتى جانداندىرۋدىڭ بٸرىڭعاي جول كارتاسى جەنە ونىڭ تارماقتارىنىڭ ورىندالۋ مەرزٸمدەرٸ مەن ولاردى ۇيىمداستىرۋ نىساندارىن ناقتىلاۋمەن ٸس-شارالاردى ٸسكە اسىرۋدىڭ جۇمىس كەستەسٸ بەكٸتٸلدٸ.
قازٸرگٸ ۋاقىتتا قازاقستاندىق جەنە رەسەيلٸك ساراپشىلار بٸرىڭعاي جول كارتاسىن جٷزەگە اسىرۋعا كٸرٸستٸ.
بٸرىڭعاي جول كارتاسىنىڭ ٸس-شارالارىن ٸسكە اسىرۋ نەتيجەسٸندە جايىق ٶزەنٸنٸڭ گيدرولوگييالىق رەجيمٸن جەنە ەكولوگييالىق جاعدايىن جاقسارتۋعا باعىتتالعان بٸرلەسكەن شارالار قابىلداناتىن بولادى», - دەلٸنگەن حابارلامادا.
