AQSh-ta "Harvi" daýylynan zardap shekkender arasynda ázirge qazaqstandyqtar tirkelgen joq. Bul týraly QR SIM baspasóz qyzmetiniń jetekshisi Ánýar Jainaqov málimdedi, - dep habarlaidy "Ult aqparat".
"Tehas shtatyndaǵy "Harvi" joiqyn daýylyna bailanysty AQSh-taǵy diplomattarymyz sol aýdanda turyp jatqan qazaq diasporalarynyń jetekshilerimen tyǵyz qarym-qatynas jasap otyr. Qazir tótenshe jaǵdai engizilgen aýmaqta júzdegen qazaqstandyq bolýy múmkin", - dep jazypty Jainaqov Facebook jelisindegi paraqshasyna.
Qazirge deiin zardap shekkender arasynda Qazaqstan azamattary tirkelmedi. Onyń ústine Vashingtondaǵy Qazaqstan elshisiniń jáne shuǵyl habar berý nómiri taratyldy.
Eske salaiyq, Amrikanyń Tehas shtatynyń turǵyndary óte kúshti daýyldyń saldarynan zardap shegip otyr. "Harvi" daýyly úlken apat ákeldi. Qazir onyń kúshi basylǵanymen, tolqyǵan sý shtattaǵy eń iri qala Hiýstonǵa jaiylǵan. Adamdardyń qaza bolǵany týraly habarlamalar kelip jatyr.
BAQ habarlaǵandai, «Harvi» daýylyna qaýip deńgeiiniń bes baldyq shkalasy boiynsha tórtinshi deńgeii berildi. Ol Tehas jaǵalaýyna saǵatyna 130 mil (210 km/saǵ) jyldamdyqpen soǵatyn jel alyp keldi.
